„Mjög ánægður með framför i spilamennsku liðsins“
Bestu deildar lið Tindastólskvenna hefur sýnt góða takta í Lengjubikarnum síðustu vikurnar en liðið spilaði fjóra leiki; tapaði venju samkvæmt gegn liðum Vals og Breiðabliks, gerði jafntefli við Fylki en lagði Selfoss að velli. „Síðasti leikurinn mun ekki spilast svo Lengjubikarinn er búinn í ár,“ tjáði Donni þjálfari blaðamanni Feykis þegar forvitnast var um hvenær síðasti leikurinn færi fram þar sem lið Keflavíkur átti að heimsækja Krókinn.
„Liðin komu sér ekki saman um leiktíma sem hentaði báðum liðum svo ákveðið var að hann verði ekki spilaður,“ sagði Donni.
Leikir Tindastóls fóru þannig að í fyrstu umferð gerðu Stólastúlkur 3-3 jafntefli við Fylki í Akraneshöllinni þar sem Elísa Bríet gerði tvö mörk, sín fyrstu í meistaraflokki, og Lara Margrét eitt en það var hennar fyrsta meistaraflokksmark með liði Tindastóls. Þá unnu Blikar 2-1 heimasigur á Stólastúlkum þar sem Elísa Bríet lagaði stöðuna seint í leiknum. Meistarar Vals mættu á Krókinn og höfðu 0-3 sigur og loks heimsóttu stelpurnar Selfoss þar sem Aldís María gerði fyrsta markið rétt fyrir hlé og Birgitta Rún skoraði fyrsta mark sitt fyrir meistaraflokk Tindastóls í 0-2 sigri. Stólastúlkum var síðan dæmdur 3-0 sigur í leiknum gegn Keflavík sem aldrei verður spilaður og endaði liðið því í þriðja sæti í riðli 1 í A-deild kvenna í Lengjubikarnum. Feykir lagði nokkrar spurningar til viðbótar fyrir Donna þjálfara.
Hefurðu verið ánægður með spilamennsku liðsins í Lengjubikarnum og er eitthvað sem hefur glatt þig sérstaklega? „Ég hef verið mjög ánægður með framför i spilamennsku liðsins með hverjum leiknum sem líður. Við höfum verið að æfa okkur i ákveðnum atriðum í uppbyggingarfasa leiksins og það hefur verið að ganga betur og betur. Margir ungir leikmenn halda áfram að stimpla sig rækilega inn ásamt því að samheldni hópsins hefur verið frábær núna í undirbúningnum,“ svarar Donni og bætir við að framundan sé æfingaferð til Campoamor á Spáni nú í byrjun apríl. „Það verður lokaundirbúningurinn fyrir Íslandsmótið sem hefst 21. apríl á heimaleik.“
Er von á frekari viðbótum við hópinn? „Við erum að skoða i kringum okkur og viljum helst bæta 1-2 leikmönnum i viðbót við hópinn. Það er ekkert öruggt þar en skýrist vonandi fljótlega.
Hafa meiðsli verið að hrjá liðið? „Hópurinn hefur verið nokkuð laus við meiðsli en svona aðeins þreyta hér og þar auk þess að vera aðeins veikar. Síðan vonumst við til þess að Hrafnhildur Björns, Bergljót Ásta og Kristrún María komi sterkar inn þegar líður á sumarið eftir sín meiðsli,“ bætir Donni við í lokin.
Þess má geta að fyrsti leikur Stólastúlkna verður gegn liði FH á Króknum sunnudaginn 21. apríl og í kjölfarið fylgir annar heimaleikur því lið Breiðabliks mætir norður laugardaginn 27. apríl.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.