Mikið kredit á Atla og Orra
Feykir sagði frá því fyrr í dag að lið Kormáks/Hvatar hefði borið sigurorð af liði Árbæjar í 3. deildinni. Leikurinn var afar mikilvægur í baráttunni um sæti í 2. deild að ári og nú hafa Húnvetningar fimm stiga forystu á liðið í þriðja sæti deildarinnar, Árbæ, þegar tvær umferðir eru eftir.
Staðan er því afar vænleg. Ingvi Rafn Ingvarsson, þjálfari Kormáks/Hvatar svaraði spurningum Feykis í leikslok.
Ertu stoltur af liðinu eftir enn einn endurkomusigurinn? „Ég gæti ekki verið meira stoltur af strákunum. Enn og aftur gefumst við ekki upp. Í þetta skiptið lendum við tvisvar undir en náum samt að snúa leiknum sem er bara geggjað. Menn misstu aldrei trúna og það skóp þennan sigur. Mér fannst þeir sterkari í fyrri hálfleik, við spiluðum undan vindi en áttum erfitt með að halda í boltann. Seinni hálfleikur var mun betri hjá okkur þar sem mér fannst við ná góðri stjórn á leiknum og frábært að fá sigurmark frá Orra Ara í lokin. Mikið kredit á ungu strákana okkar, Atla og Orra, sem komu virkilega flottir inn í seinni hálfleik. Þá fannst mér varnarlínan okkar mjög öflug og stigu ekki feilspor í leiknum, þar sem mörk Árbæjar koma eftir fyrirgjöf og svo beint úr horni. Þá verð ég minnast á fyrirliðann, Sigurð Adnegaard, sen stóð vaktina í markinu og gerði það vel.“
Hvernig var stemningin í klefanum að leik loknum? „Stemningin í klefanum var að sjálfsögðu mögnuð. Allir léttir eftir frábæran sigur,“ segir Ingvi Rafn sem tók við þjálfun Kormáks/Hvatar að loknum þremur umferðum í sumar eftir að Aco Pandurevic hætti. Aco var hins vegar á skýrslu í dag og kom inn á í hálfleik en hann hafði ekkert spilað með liðinu í sumar, býr aftur á móti á Blönduós og þjálfar yngri flokkana þar.
Það var því ekki úr vegi að spyrja Ingva Rafn hver skýringin á innkomu hans í liðið væri. „Sagan á bak við Aco er þannig að ég hitti hann í hádegismat á mánudaginn á hinum frábæra veitingastað, Teni, á Blönduósi. Hann sagði mér að ef ég vildi þá gæti hann hjálpað okkur í þessum leik. Ég taldi það vera upplagt þar sem allir serbnesku leikmenn liðisins [Uros, Lazar og Goran] voru í banni í þessum leik og tilvalið að fá einn serba inn í hópinn. Hann átti magnaða innkomu þar sem hann átti hlut í bæði öðru og þriðja markinu. Fyrst og fremst er hann frábær manneskja og er alltaf til í að hjálpa. Hann hefur engu gleymt sem leikmaður og sýndi það í þessum leik.“
Getur fyrirliðinn eitthvað í marki? „Fyrirliðinn er frábær í marki eða allavega finnst honum það,“ segir Ingvi Rafn hlæjandi í lokin.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.