Markalaust jafntefli í mikilvægum leik
Tindastóll og Stjarnan mættust í baráttuleik á Króknum í gær en liðin eru á svipuðum slóðum í Bestu deildinni, Stjörnustúlkur sæti og tveimur stigum betur settar og sigur Stólastúlkna hefði orðið sætur. Það fór þó svo að liðin skildu jöfn, komu ekki boltanum í netið þrátt fyrir nokkrar ágætar tilraunir og lokatölur því 0-0.
Þau undur og stórmerki gerðust að Bryndís Rut fyrirliði var fjarri góðu gamni en það eru örugglega ansi mörg ár síðan hún missti af leik. Það var María Dögg sem skartaði því fyrirliðabandinu og henni brást ekki bogalistin. Enn vantaði Elísu Bríeti í lið en Aldís María var komin á bekkinn. Fjarvera Bryndísar þýddi að Lara Margrét datt niður í vörnina og Saga Ísey lék sinn fyrsta leik í byrjunarliði í Bestu deildinni. Þær stóðu vel fyrir sínu.
Lið Tindastóls fór betur af stað í leiknum og uppskar víti eftir tíu mínútna leik þegar Jordyn var tekin niður í teignum. Gwen Mummert, sem var að spila sinn síðasta leik með liði Tindastóls, hafði það hlutverk að taka vítið sem og hún gerði en Erin Mcleod í markinu sá við henni og varði spyrnuna meistaralega. Þetta sló heimastúlkur aðeins út af laginu og Stjarnan færði sig upp á skaftið, án þess þó að skapa sér dauðafæri. Jordyn komst í gott færi skömmu fyrir hlé en Erin var í stuði í markinu og varði vel.
Í síðari hálfleik náði lið Tindastóls enn betri tökum á leiknum og Gabby og Annika stjórnuðu ferðinni á miðjunni, voru sívinnandi og fljótar að spila boltanum. Í heildina var lið Tindastóls að spila vel en spennustigið í leiknum virtist segja til sín þegar í færin var komið. Erin varði vel frá Hugrúnu og Jordyn og Stjörnustúlkur áttu tvo ágæt skot að marki Tindastóls. Markmennirnir þurftu ekki að hafa mikið fyrir hlutunum að þessu sinni en Erin fékk þó úr meiru að moða en Monica í marki Tindastóls.
Svekkjandi niðurstaða í leiknum en enn og aftur flott frammistaða – vantaði bara að skora. Varnarþríeykið María Dögg, Gwen og Lara Margrét voru þéttar og það voru ekki mörg færi sem gestirnir sköpuðu. Laufey átti margar góðar rispur á vinstri kantinum og Birgitta var snörp framan af en fékk höfuðhögg seint í fyrri hálfleik og Aldís María kom í hennar stað í hálfleik. Þá sýndi Hugrún ágæta takta og var hættuleg en hafði ekki erindi sem erfiði líkt og Jordyn í framlínunni.
Nú tekur við tveggja vikna pása hjá liði Tindastóls en næsti leikur er gegn liði Fylkis í Árbænum þann 21. júlí.
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.