María Anna og Cosmin Blagoi semja um að þjálfa hjá Tindastóli
Undirskriftapenninn er í fullri notkun hjá körfuknattleiksdeild Tindastóls og vissara að Dagur Baldvins og félagar kanni blekstöðuna fyrr en síðar. Ekki var nóg með að í gær hafi verið tilkynnt um að fjölmeistarinn Callum Lawson hefði samið um að spila með meistaraflokki karla því einnig var tilkynnt að unglingaráð hefði samið við Maríu Önnu Kemp Guðmundsdóttur og Cosmin Blagoi um að þjálfa yngri flokka félagsins. Blagoi mun einnig aðstoða Helga Margeirs með meistaraflokk kvenna og akademíu FNV.
María Anna skrifaði undir samning við unglingaráðið um að þjálfa tímabilið 2023 -24 og út sumarið 2024. Hún er með BA. í uppeldis- og menntunarfræðum, fyrrverandi leikmaður hjá meistaraflokkum Grindavíkur og Keflavíkurauk þess sem hún spilaði í yngri landsliðum Íslands. María Anna mun sjá um þjálfun hjá 1.-4. bekk drengja og stúlkna og 7.- 9.fl. stúlkna. María Anna hóf störf hjá unglingaráðinu í vor þegar hún tók við þjálfun stúlkna í 7.-8.fl auk þess hefur hún verið með yngri hópa í SumarTím.
Cosmin Blagoi, FIBA þjálfari frá Rúmeníu, hefur einnig verið ráðinn þjálfari hjá unglingaráði kkd. Tindastóls tímabilið 2023-2024. Blagoi mun þjálfa 7.-11. flokk drengja og ungmennaflokk karla. Hann mun einnig aðstoða Helga Frey Margeirsson með meistaraflokk kvenna og akademíu FNV.
Helgi segir að Cosmin hafi þjálfað síðast í norsku úrvalsdeildinni (KK) „Þar á undan var hann í Austurríki og svo hefur hann verið að þjálfa mikið í körfuboltabúðum á Norðurlöndunum. Hann var einnig að þjálfa yngri landslið Rúmeníu auk þess sem hann hefur verið í þjálfarateymi rúmenska landsliðsins.“ Helgi er ekki tilbúinn til að fullyrða að Cosmin sé hokinn af reynslu þegar Feykir spyr að því en hann hafi góða reynslu. „Það fer mjög gott orð af honum og hefur hann fengið góð meðmæli úr mörgum áttum. Hann er mjög vel menntaður þjálfari,“ bætir Helgi við.
Fram kemur í frétt á vef Tindastóls að æfingar eru að hefjast hjá elstu hópunum og munu þær verða kynntar í lok vikunnar. Æfingar yngri hópa hefjast þegar skólarnir fara í gang.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.