Mannabreytingar hjá M.fl. kvk í körfunni
feykir.is
Skagafjörður, Íþróttir
27.09.2024
kl. 10.45
Nýju leikmennirnir í M.fl. kvk. Myndir: Davíð Már.
Í tilkynningu frá Körfuknattleiksdeild Tindastóls segir að ákveðið hefur verið að gera breytingar á leikmannahópi kvennaliðs Tindastóls. Shaniya Jones hefur kvatt liðið og í hennar stað er Randi Brown mætt á Krókinn, þá hefur Laura Chahrour lagt skóna á hilluna eftir að upp tóku sig gömul hnémeiðsli, í hennar stað er komin Melissa Diawakana.
“Randi er reynslumikill leikmaður, sem spilaði til úrslita síðastliðið vor í Finnlandi. Hún hefur áður spilað í efstu deild á Íslandi og þekkir deildina vel. Hún er fjölhæfur leikmaður með getu til að skora úr öllum stöðum. Melissa er leikstjórnandi með góða yfirsýn yfir völlinn og hún mætir með mikla orku inná völlinn, hún mun hjálpa okkur mikið við að setja tóninn í vörninni með því eða vera mjög ákveðin á boltann.
Undirbúningstímabilið gekk kannski ekki eins og við hefðum viljað, það þurfti að gera breytingar og upp komu meiðsli og annað svo við náðum ekki eins mörgum æfingaleikjum og við hefðum viljað. Ég er mjög glaður með leikmannahópinn sem við höfum, stelpurnar eru að leggja mjög hart að sér og við ætlum að leggja okkur öll fram um að vera lið sem spilar skemmtilegan körfubolta sem gaman er að horfa á. Ég vonast til að fá góða mætingu á leiki liðsins og hlakka sérstaklega mikið til að sjá Tindastólsfólk fylla stúkuna hérna heima.” segir Israel Martin þjálfari liðsins.
Dagur Þór formaður tekur undir orð Martins og hlakkar til að sjá Síkið trofullt í hverri viku i vetur. “Það er skemmtilegt körfuboltatímabil framundan, bæði karla- og kvennaliðin eru samansett af hæfileikaríku og vinnusömu ungu heimafólki í bland við metnaðarfulla atvinnumenn. Ég hlakka mikið til að sjá Tindastólsfólk mæta vel í Síkið og skapa saman fullt af ógleymanlegum stundum.”
Fyrsti leikur kvennaliðsins er þann 2. október gegn Aþenu á útivelli og fyrsti leikur karlaliðsins er þann 3. október þegar KR-ingar mæta norður.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.