Ljómarallið fer fram í Skagafirði á morgun
Það verður ekkert gefið eftir þegar Ljómarallý fer fram í Skagafirði á morgun, laugardaginn 27. júlí. Ljómarallið er önnur keppnin í Íslandsmeistaramótinu en fresta þurfti keppni á Suðurnesjum í vor og staðan í Íslandsmeistaramótinu því mun opnari en oft hefur verið á þessum árstíma. Keppnin verður með hefðbundu sniði og verður fyrsti bíll ræstur frá Vélaval í Varmahlíð kl. 8 á laugardagsmorguninn.
Eftirfarandi vegir verða lokaðir almennri umferð laugardaginn 27. júlí 2024, svo sem hér segir:
Kl. 07:45 - 12:45. Vegur nr. 35 um Mælifellsdal / Mælifellsdalsvegur F756 um 4,5 km frá Efribyggðarvegi nr. 751 að Bugavatni. Við þetta lokast einnig aðkoma af vegslóða um Gilhagadal inn á fyrrnefndan veg.
Kl. 12:40 - 14:30. Vegur nr. 752 / F752 Skagafjarðarleið frá afleggjara á móts við Litlu-Hlíð / Hof og Hofsvelli að Þorljótsstöðum. Þessi vegur er í raun nyrsti hluti Sprengisandsleiðar, Skagafjarðarmegin.
Vegfarendum er skylt að virða lokanir og fyrirmæli starfsmanna keppninnar.
20 áhafnir eru skráðar til leiks og hafa keppendur úr röðum kvenna og ungra ökumanna hafa sjaldan verið fleiri. Meðal keppenda á laugardaginn eru einnig fjórir ökumenn og tveir aðstoðarökumenn sem hampað hafa Íslandsmeistaratitli yfir heildina, auk flokkameistara.
Fyrstur í rásröð verður núverandi Íslandsmeistari, Gunnar Karl Jóhannesson sem mætir til leiks og að þessu sinni með móður sína Guðríði Lindu Karlsdóttur sem aðstoðarökumann. Þau verða á öflugu keppnistæki sem Gunnar hefur keppt á undanfarin misseri í Bretlandi.
Önnur í rásröð verða Daníel og Ásta Sigurðarbörn. Þau eru til alls líkleg, enda í góðri æfingu um þessar mundir eftir góðan akstur á breskum sérleiðum, auk þess að vera ein sigursælasta áhöfn í rallakstri hérlendis.
Margir fleiri hraðskreiðir ökumenn eru á ráslista í Ljómarallinu á laugardaginn sem sýnt hafa frábæran árangur á liðnum árum. Þá hefur líka orðið ánægjuleg nýliðun þar sem nýtt fólk haslar sér völl í rallinu. Gaman verður að fylgjast með ökumönnum sem hafa frá barnsaldri keppt í rallýkrossi en færa sig nú um set í rallið og mæta þangað með töluverða akstursreynslu þrátt fyrir ungan aldur.
Það verður því áreiðanlega hart barist um hverja sekúndu og hvert stig þar sem eigast við reyndir keppendur í bland við nýja og efnilega. Kynning úrslita og verðlaunaafhending verða við Vélaval í Varmahlíð kl: 15:35.
Þeir sem vilja horfa á eða fá nánari upplýsingar um keppnina er bent á facebook síðu Bílaklúbbs Skagafjarðar. Þá má sjá tíma og stöðu í keppninni á vefsíðunni: www.rallytimes.is
Stjórnstöð keppninnar verður í Vélavali í Varmahlíð. Keppnisstjóri er Benjamín Þór Sverrisson.
Fleiri fréttir
-
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.