Lið Tindastóls náði í sætan sigur í Síkinu í gær
Það voru ekki bara Stólastúlkur í fótboltanum sem gerðu vel í gær því Stólastúlkur í körfunni hristu af sér vonbrigðin úr Hveragerði á dögunum með því að leggja sameinað lið Aþenu/Leiknis/UMFK í parket í Síkinu. Lið Tindastóls átti fínan leik og vann alla leikhlutana og því sanngjarnan sigur þegar upp var staðið. Lokatölur 75-62.
Lið Aþenu komst yfir eftir tvær og hálfa mínútu, 2-3, en það reyndist eina skiptið sem þær leiddu í leiknum. Stólastúlkur tóku yfir og leiddu með átta stiga mun að fyrsta leikhluta loknum, 19-11. Heimaliðið hélt þetta sex til átta stiga forystu framan af öðrum leikhluta en körfur frá Evu Rún, Jaylu og Emese breyttu stöðunni úr 31-23 í 37-23 þegar rúm mínúta var til hálfleiks og það var sterkt. Gestirnir náðu þó að minnka muninn í níu stig fyrir hlé en þá var staðan 37-28.
Stólastúlkur byrjuðu síðari hálfleik ágætlega og náði 13 stiga forystu en gestirnir svöruðu með áhlaupi en þau stóðu stutt yfir og alltaf áttu heimastúlkur svör. Um miðjan leikhlutann munaði tíu stigum, 47-37, heimaliðið jók muninn og gestirnir svöruðu að bragði en staðan var 55-44 þegar fjórði leikhluti hófst. Lið Aþenu gekk illa að brúa bilið og það var frekar að Stólastúlkur bættu í en mestur varð munurinn 16 stig, 67-51, þegar rúmar fimm mínútur voru til leiksloka. Það reyndist ekki stór vandi að klára leikinn og Stólastúlkur drógu því tvö stig til viðbótar í stigabúrið sitt og eru nú komnar með tíu stig í deildinni.
Eftir frekar dapurt framlög heimastúlkna í Þorlákshöfn í leiknum á undan þá reif fyrirliðinn sig upp og endaði framlagshæst í gær; gerði 18 stig, tók fimm fráköst og átti sex stoðsendingar. Jayla spilaði minna en oft áður en hún gerði 25 stig og var stigahæst en Emese gerði 23 stig og tók 17 fráköst. Í liði gestanna var Ása Lind Wolfram atkvæðamest með 15 stig og átta fráköst og Nerea Brajac gerði 12 stig. Líkt og í Þorlákshöfn gerði lið Tindastóls eina 3ja stiga körfu í leiknum í gær, sem Rebekka gerði, en nú virðast Stólastúlkur vera búnar að gefa þessi skot upp á bátinn því allt í allt tók liðið aðeins sjö 3ja stiga skot í leiknum! Ágætlega gekk að skora innan teigs og það kom því ekki að sök.
Liðið virðist því heldur vera að rétta úr kútnum eftir erfiðan vetur í 1. deildinni. Nú eru þrjár umferðir eftir og spila Stólastúlkur alla leikina á viku. Tveir þeir fyrstu verða hér heima en þann 12. mars kemur lið Ármanns í heimsókn en eftir frábæran vetur í fyrra hefur það lið dalað og því góður séns á að ná í tvö stig gegn því fína liði til tilbreytingar. Þann 15. mars kemur topplið Stjörnunnar í heimsókn en 18. mars heimsækja stelpurnar Vesturbæinn þar sem lið KR bíður. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.