Króksbrautarhlaup á laugardaginn
Fastur liður í útivist og hreyfingu margra Skagfirðinga er skokkhópurinn svokallaði, sem nú lýkur sínu 20. starfsári undir stjórn Árna Stefánssonar íþróttakennara við FNV. Lokapunktur á sumarstarfinu hefur jafnan verið Króksbrautarhlaupið og löng hefð er fyrir að þar sé hlaupið til styrktar góðu málefni.
Þeir sem lengst fara hlaupa frá Varmahlíð á Sauðárkrók en einnig verður hægt að velja sér styttri vegalengdir, hvort sem menn kjósa að hlaupa, ganga eða hjóla. Að þessu sinni mun ágóði hlaupsins skiptast milli tveggja einstaklinga sem glímt hafa við erfið veikindi, þeirra Pálma Ragnarssonar í Garðakoti og Bjarts Snæs Guðmundssonar á Sauðárkróki.
Að sögn Árna verður boðið upp á rútuferðir frá sundlaug Sauðárkróks, þá fyrri kl. 9:30 fyrir þá sem lengst fara, en leiðin frá Varmahlíð er um 25 kílómetrar. Þeir sem kjósa styttri vegalengd geta farið með rútunni kl. 10:30 og fengið far í Kjartansstaði, en þangað eru um 15 kílómetrar, eða styttra. Rútugjaldið er 1.000 krónur og rennur það í góðgerðasöfnun en Suðurleiðir leggja veglega til söfnunarinnar og aka án endurgjalds.
Árni segir æskilegt fyrir hlaupara að klæðast áberandi fatnaði og fara á móti akandi umferð. Sama gildi um hjólafólk þó ekki sé það reglan, en brugðið sé út af henni til að bílar eigi greiða leið fram hjá þátttakendum. Drykkjarstöðvar verða á hefðbundnum stöðum, það er Glaumbæ, Melsgili og Bergstöðum. Gert er ráð fyrir að allir verði komnir á Krókinn um hálfeitt en þá er boðið upp á holla hressingu og ókeypis slökun í sundlaug Sauðárkróks.
Að sögn Árna hefur þátttakan í skokkhópnum í sumar verið ágæt, þó höfðatalan hafi oft verið hærri. „Þeir sem hafa mætt á annað borð hafa verið duglegir að mæta. Við höfum farið víða, t.d. á Staðaröxl, í Gautsdal, Ennishnjúk, Molduxa, Merkigil, Bakkana og niður Mælifellsdalinn. Þá hafa margir úr hópnum hlaupið í Reykjavík og Grímsey.“ Árni er bjartsýnn á áframhaldandi skokk og útiveru, þó sumarstarfinu sé formlega lokið. „Nú er sumarið rétt að koma og norska veðurspáin geri ráð fyrir sunnanátt og 14 stiga hita á laugardaginn.“
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.