Krækjur gerðu gott mót
Dagana 9.–11. maí sl. fór Öldungamót Blaksambands Íslands fram í íþróttahúsinu Varmá í Mosfellsbæ. Mótið er haldið ár hvert og var þetta í 47. skiptið sem það fer fram. Að þessu sinni var það í höndum Blakdeildar Aftureldingar en þetta er stærsta blakmót ársins fyrir fullorðna einstaklinga þar sem leikgleði og skemmtun er í fyrirrúmi. Yfirskrift mótsins var gleði og var vonast til þess að liðin mættu til leiks í glaðlegum búningum og mátti sjá þá ýmsa skrautlega – bæði ljóta og flotta.
Einu skilyrðin fyrir þátttöku á þessu móti er að keppendur þurfa að vera orðnir 30 ára og voru hátt í 1.300 keppendur alls staðar af landinu mættir til leiks, alls 150 lið. Leikið var á fimmtán völlum og voru spilaðir 453 leikir í 15 kvennadeildum og sjö karladeildum. Dagskráin var hin glæsilegasta en mótið hófst stundvíslega kl. 8:30 á uppstigningardag og lauk með lokahófi og balli á laugardagskvöldinu þar sem var dansað og sungið langt fram á nótt.
Krækjurnar frá Sauðárkróki létu sig að sjálfsögðu ekki vanta á þessa gleði og hafa sent tvö lið til keppni í fjöldamörg ár og var engin undantekning í ár. Tólf krækjur skunduðu á mótið og lið A samanstóð af sex reyndum og feykiflottum Krækjum sem spiluðu í annarri deildinni. Þær náðu að vinna fjóra leiki en töpuðu tveim og voru þessi úrslit þeim mikið gleðiefni því á næsta ári spila þær þá í sömu deild sem er frábær árangur hjá þeim.
Lið B spilaði aftur á móti í sjöundu deild sem gekk ekki alveg jafn vel því liðið tapaði öllum sínum leikjum. Þetta er töluvert reynsluminna lið sem á mikið inni því þær hafa ekki náð að spila mikið saman í vetur til að stilla saman strengi sína en það verður gaman að sjá hvernig þeim gengur í áttundu deildinni á næsta ári.
Hver segir svo að það þurfi að vinna leiki til að hafa gaman – það er bara bónus!
Fleiri fréttir
-
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.