Kórdrengirnir í Kára teknir til bæna á Blönduósi
Það var brjálað stuð á Blönduósi í dag þegar Kormákur/Hvöt tók á móti kórdrengjunum í Kára af Akranesi. Liðin mættust fyrr í sumar í miklum hasarleik og ekki vantaði hasarinn í dag. Gestirnir voru 0-2 yfir í hálfleik en heimamenn komu í vígamóð til leiks í þeim síðari og skoruðu þá fjögur mörk og unnu leikinn því 4-2. Heldur betur stór sigur og Húnvetningar sitja sem fastast í öðru sæti 3. deildar en öll fjögur toppliðin unnu sína leiki í dag og spennan því áfram mikil.
Fyrsta markið kom eftir sem mínútna leik en þá voru þrír leikmenn þegar komnir með gult spjald. Kolbeinn Tumi skoraði þá eftir að hafa fylgt eftir eigin vítaspyrnu sem vítabaninn Uros varði. Kolbeinn bætti við öðru marki á þriðju mínútu uppbótartíma og staðan svört hjá heimamönnum. Það voru þó ekki liðnar nema þrjár mínútur af síðari hálfleik þegar endurkoman hófst og bleiki valtarinn hrökk í gírinn. Alberto Montilla var þar á ferðinni og tíu mínútum síðar vænkaðist hagur Húnvetninga enn frekar þegar Hafþór Pétursson í liði gestanna fékk að líta reisupassann. Montilla jafnaði metin mínútu síðar og spennan orðin óbærileg á Blönduósvelli. Benni kom svo heimamönnum yfir eftir góða sókn og á fyrstu mínútu uppbótartíma gulltryggði Ismael Moussa svo stigin þrjú með því að gera fjórða markið. Annað markvert gerðist ekki í leiknum nema það teljist til frétta að Ísak Sigurjónsson steig inn á völlinn á 96. mínútu.
Leikurinn var fjörugur og dómarinn hafði í nógu að snúast, veifaði spjöldunum sínum alls ellefu sinnum í leiknum og á því sviði höfðu gestirnir betur, fengu að líta spjöldin alls sjö sinnum og geri aðrir betur!
Ingvi Rafn bjartsýnn á framhaldið
Feykir spurði Ingva Rafn þjálfara hvernig hefði verið að spila þenna leik. „Það var bara gaman. Mikill baráttuleikur frá fyrstu mínútu og sem betur fer endaði þetta okkar megin. Ég hef gaman af báðum hlutverkum. Mjög ólíkt og þá aðallega er mun meira stressandi að vera á hliðarlínunni og horfa á. Það sem skóp sigurinn er aðallega bara trúin á verkefnið. Þrátt fyrir að vera 2-0 undir í hálfleik voru menn staðráðnir í að koma út í seinni hálfleikinn og gera betur. Það tókst og við skoruðum fjögur góð mörk í seinni hálfleik og sýndum góðan karakter.
Ertu bjartsýnn á framhaldið? „Ég er mjög bjartsýnn a framhaldið. Við eigum fjóra erfiða leiki eftir af mótinu þar sem við ætlum að reyna ná eins í mörg stig og hægt er. Annað sætið er í okkar höndum og viljum við halda því þannig,“ sagði Ingvi Rafn.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.