Kennslubókardæmi um svekkelsi í Kópavogi
Það má svekkja sig á ýmsu. Til dæmis að fara út að borða á fínum stað en finnast maturinn ekkert spes. Sumir svekkja sig með því að stíga á vigtina. Svo er svona svekkelsi eins og leikmenn Tindastóls upplifðu í dag þegar þeir lutu í gras í Fagralundi í Kópavogi. KFK sigraði Tindastól 1-0.
Þetta var svokallaður sex stiga leikur í 4. deildinni en með sigri hefðu Stólarnir komið sér vel fyrir í efri hluta deildarinnar og gefið sjálfum sér raunhæfan séns á að koma sér fyrir í toppbaráttu deildarinnar. Sama gilti um Kópavogspiltana, þeir voru með 13 stig fyrir leikinn en Stólarnir 11 og ef þeir ætluðu sér að berjast um eitt toppsætanna var sigur nauðsynlegur. Það var því mikið undir. Bæði lið voru varnarsinnuð og lítið um færi samkvæmt upplýsingum Feykis.
Markalaust var því í hálfleik en vonir Stólanna glæddust á 59. mínútu þegar það fækkaði um einn í liði heimamanna. Rúmur hálftími eftir af leiknum og að öllu jöfnu hefðu Stólarnir átt að geta nýtt sér liðsmuninn. En í stað þess að gestirnir gengu á lagið þá tókst Andra Jónassyni að troða inn sigurmarki á fjórðu mínútu í uppbótartíma og tryggja KFK 1-0 sigur. Þetta er dæmi um svekkelsi sem getur valdið þeim sem fyrir verða töluverðri ógleði.
Að sögn Jónasar Arons Ólafssonar, fyrirliða Tindastóls, var þetta 50/50 leikur. „Svo endar þetta á því að þeir byrja að dæla boltum inn í okkar teig þar sem við vörðumst ágætlega fram að markinu. Svekkjandi að fá ekkert út úr leiknum en við höldum bara áfram,“ sagði svekktur fyrirliðinn.
Eftir þessi úrslit hefur lið Tindastóls dregist nokkuð aftur úr toppliðunum fjórum, er með 11 stig í fimmta sæti 4. deildar. Fimm stig eru í liðin í þriðja og fjórða sæti, KFK og KÁ, en á toppnum eru Vængir Júpíters með 21 stig en Árborg er í öðru sæti með 19 stig. Nú á miðvikudag er annar sex stiga leikur en þá kemur lið KÁ í heimsókn og sá leikur verður að vinnast. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.