Hörmulegt tap Stólanna
Höttur frá Egilsstöðum mætti á Krókinn síðastliðinn laugardag og lék við lið Tindastóls í 2. deildinni í knattspyrnu. Leikurinn var gríðarlega mikilvægur fyrir Tindastólsmenn en með sigri hefði liðið náð að koma sér örlítið betur fyrir í deildinni. Uppskeran var hins vegar sárt tap, 1-2.
Leikurinn fór vel af stað og voru aðstæður ágætar á Sauðárkróksvelli. Strax eftir um 15 mínútna leik skoraði Fannar Gíslason fallegt mark, kappinn dúkkaði upp á markteig eftir hornspyrnu og skallaði af krafti í mark gestanna. Stólarnir höfðu verið betra liðið fram að þessu en eftir markið fengu gestirnir nokkur skallafæri og svo fór að þeir nýttu eitt slíkt á 25. mínútu. Hlynur í marki Stólanna virtist búinn að verja skalla frá Högna Helgasyni en missti boltann inn fyrir línuna og því orðið jafnt. Liðin skiptust á um að sækja fram að hléi og leikurinn ágæt skemmtun.
Stólarnir mættu hálf vankaðir til leiks í síðari hálfleik og létu gestina stundum líta út fyrir að vera lið Brasilíu. Reyndar er það varla ofsögum sagt að Stólarnir hafi verið vankaðir því nokkrir leikmenn fengu höfuðhögg á upphafskafla síðari hálfleiks og þurfti varnarjaxlinn Sigurvin Reynisson að yfirgefa völlinn á 56. mínútu. Það var skarð fyrir skyldi en gestirnir sóttu fast að marki Stólanna. Leikmenn Hattar fengu ágæt færi til að komast yfir og náðu því loks á 67. mínútu. Fengu þá hornspyrnu og Runólfur Sigmundsson stangaði boltann í netið á nærstönginni – ekki fyrsta markið í sumar sem Stólarnir fá á sig af þeim stað. Fátt fagurt gerðist eftir þetta en Stólarnir reyndu þó að stíga upp á lokakaflanum en höfðu engan veginn erindi sem erfiði. Lokatölur því 1-2.
Á sama tíma skaust lið Ægis upp fyrir lið Tindastóls og skildi þá eftir í fallsæti. Ægir sigraði lið Dalvíkur/Reynis en Stólarnir sækja Eyfirðingana einmitt heim í næstu umferð. Ekkert annað en sigur kemur til greina ætli Stólarnir að halda sæti sínu í deildinni. Koma svo Stólar!
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.