Höfuðið vantaði á herlið Stólanna
Það mátti búast við hörkuleik í Ljónagryfju Njarðvíkinga í lokaleik 3. umferðar Subwaydeildarinnar í gærkvöldi þegar heimamenn tóku á móti liði Tindastóls. Vonir stuðningsmanna Stólanna stóðu til þess að Arnar Björns hefði náð að hrista af sér meiðslin sem hafa haldið honum fjarri parketinu í síðustu leikjum og það var því kraftmikill löðrungur þegar í ljós kom að hvork Arnar né Herra Skagafjörður, Pétur Rúnar Birgisson, væru klárir í slaginn. Það var deginum ljósara að aðrir yrðu að axla ábyrgð og stíga upp en því miður, án leikstjórnendanna frábæru, þá var liðið líkast höfuðlausum her. Njarðvíkingar gengu á lagið og lönduðu öruggum 91-68 sigri.
Njarðvíkingar tóku strax til óspilltra málanna og komust í 5-0 og 11-3 en Stólarnir náðu að svara fyrir sig, enda vantar ekki gæðaleikmennina í liðið. Richotti kom heimamönnum í 22-14 en Siggi, Zoran og Keyshawn löguðu stöðuna í 24-20 áður en leikhlutinn var úti. Taiwo negldi niður þristi í upphafi annars leikhluta og Zoran bætti tveimur stigum við og skyndilega voru Stólarnir komnir yfir og útlit fyrir spennuleik. Næstu mínútur voru skemmtilegar, Njarðvíkingar náðu aftur forystunni en Orri Svavars jafnaði 31-31 þegar fjórar mínútur voru liðnar. Síðustu þrjár mínútur fyrri hálfleiks snérist leikurinn og það mest fyrir tilstilli Deon Basile sem var frábær bæði í vörn og sókn. Meistaraverkið hans var síðan að kynda svo duglega undir Keyshawn að okkar maður kastaði boltanum í hann og fékk dæmt á sig tæknivíti og fékk þar með fjórðu villuna sína. Að Key kæmist í villuvandræði fyrir hálfleik var nánast það eina sem ekki mátti gerast hjá Stólunum. En hvað um það; staðan breyttist úr 34-33 þegar fimm mínútur voru til hálfleiks í 52-37 í hálfleik (18-4 sveifla).
Tindastólsmenn áttu engin svör í þriðja leikhluta sem heimamenn unnu með 15 stigum og staðan 81-51 að honum loknum. Fjórði leikhluti var því bara formsatriði að þessu sinni en hann unnu þó Stólarnir 10-17 og náðu að láta lokatölur líta aðeins betur út – eða þannig.
Erfiður dagur á skrifstofunni hjá Vlad og félögum. Án Arnars og Péturs réðu okkar menn illa við hraða heimamanna. Það verður þó að segjast eins og er að það er gott að sjá Vlad óhræddan við að henda ungu strákunum inn á gólfið, það er ekki laust við að það hafi verið skortur á því síðustu tímabil. Í gær var Drungilas stigahæstur Stólanna með 17 stig og tók átta fráköst. Þá mæddi talsvert á Ragnari sem gerði ellefu stig og tók níu fráköst. Keyshawn gerði 15 stig en lét Basile fara illa með sig. Aðrir voru undir tíu stigunum og vonbrigði að sjá Zoran og Taiwo ekki gera betur þegar neyðin var mest en að sjálfsögðu riðlast leikur Tindastóls þegar báða leikstjórnendur liðsins og reynslubolta vantar.
Næsti leikur Tindastóls er á Egilsstöðum næstkomandi fimmtudag. Koma svo!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.