Golfklúbbur Sauðárkróks með tvo Norðurlandsmeistara
Lokamót Norðurlandsmótaraðar barna og unglinga fór fram á Jaðarsvelli á Akureyri sunnudaginn 4. september s.l. Að venju átti Golfklúbbur Sauðárkróks marga þáttakendur í öllum flokkum sem keppt var í. Þá voru einnig krýndir Norðurlandsmeistarar í öllum flokkum og þar átti Golfklúbbur Sauðárkróks tvo sigurvegara.
Það voru þær Anna Karen Hjartardóttir sem varð Norðurlandsmeistari í flokki 12 ára og yngri og Hildur Heba Einarsdóttir sem varð Norðurlandsmeistari í flokki 14 ára og yngri. Báðar voru þær að verja Norðurlandsmeistaratitla sína í þessum flokkum frá því í fyrra. Fjögur mót eru í mótaröðinni og telja þrjú bestu til titilsins. Keppt var á Sauðárkróki, Dalvík, Ólafsfirði og loks Akureyri.
Helstu úrslit úr lokamótinu sjálfu hjá keppendum Golfklúbbs Sauðárkróks voru þessi:
Í byrjendaflokki sigraði Una Karen Guðmundsdóttir og Rebekka Helena Barðdal Róbertsdóttir varð í öðru sæti. Reynir Bjarkan Barðdal Róbertsson varð í öðru sæti í flokki 12 ára og yngri og Anna Karen Hjartarsdóttir varð í þriðja sæti í sama flokki. Maríanna Ulriksen varð í öðru sæti í flokki 14 ára og yngri og Hildur Heba Einarsdóttir í þriðja sæti í sama flokki. Í flokki 15-16 ára varð Telma Ösp Einarsdóttir í öðru sæti og Hákon Ingi Rafnsson varð einnig í öðru sæti í sama flokki.
Allar nánari upplýsingar um mótið er að finna á www.golf.is
Keppendur Golfklúbbs Sauðárkróks voru mjög dugleg að sækja þessa mótaröð í allt sumar og náðu flottum árangri og voru til fyrirmyndar bæði á golfvellinum sem utan hans.
/HG
Fleiri fréttir
-
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.