„Góður leikur af okkar hálfu,“ segir Donni þjálfari þrátt fyrir tap Stólastúlkna
„Eftir versta tímabil sitt í áratug mætir Breiðablik með glorhungrað og öflugt lið til leiks í sumar sem ætlar sér að komast aftur á toppinn í íslenskum fótbolta,“ segir í frétt íþróttadeildar Vísis og Stöðvar 2 Sports sem spáir liðinu 3. sæti Bestu deildar kvenna í sumar. Stólastúlkum er hins vegar spáð 9. sæti og þar með falli niður Lengjudeildina eftir sumarið. Liðið sýndi í gær að það er á annarri skoðun og mættar til að vera.
Það voru einmitt Breiðabliksstúlkur sem mættu á Krókinn í gærkvöldi og fyrirfram mátti búast við að heimastúlkur ættu við ofurefli að stríða. Efalaust voru einhverjir áhorfendur sem misstu móðinn fljótlega því ekki var langt liðið á leikinn þegar Taylor Marie Ziemer kom gestunum yfir 1-0.
Skagfirska sveiflan tók þó stefnuna heldur upp á við eftir þetta högg og heimakonur sýndu það að þær væru ekki í þessu bara til að vera með og áhorfendur fengu trúna á ný að allt eins gætu Stólar jafnað. Gáfu þær gestunum alvöru leik og áttu mörg fín færi sem var ótrúlegt að ekki nýttust. Allt stefndi í að Breiðablik færi með eins marks forystu í leikhléið en Taylor Ziemer var ekki búin að segja sitt síðasta því á 42. mínútu negldi hún boltanum í samskeytin af löngu færi, einkar glæsilegt mark og algerlega óverjandi fyrir Monica Elisabeth Wilhelm, markvörð Stóla. Monika sem stóð sig þó með stakri prýði í markinu í leiknum.
Eins og áður segir gáfu Stólastúlkur gestunum alvöru leik og fannst manni eins og mark lægi í loftinu en einhverra hluta vegna lánaðist þeim ekki að skora þrátt fyrir góð færi. En Breiðabliksliðið er feiknasterkt og átti einnig fjölmörg færi sem sem vel hefði kostað fleiri mörk sem svo varð raunin undir lok leiksins þegar Andrea Rut Bjarnadóttir, sem nýkomin var inn á, potaði boltanum yfir marklínuna og tryggði gestunum stigin þrjú.
„Mér fannst þetta góður leikur af okkar hálfu. Ég er mjög stoltur af stelpunum og sé mikla bætingu frá síðasta leik sérstaklega á sóknarhelming og það gegn besta liði landsins,“ sagði Donni þjálfari í samtali við Feyki.
„Varnarlega voru stelpurnar heilt yfir nokkuð góðar og mörkin sem við fáum á okkur í fyrri hálfleik tvö langskot sem var erfitt að koma í veg fyrir þótt mögulega hægt sé að vera ögn nær mönnunum. Annars var varnarleikurinn heilt yfir og markvarslan góð. Barráttan og vinnusemin alveg frábær og með þessu áframhaldi fara úrslit að detta líka með okkur.
Við fengum 3-4 mjög góð færi í leiknum og oft þarf bara að brjóta ísinn til að þetta fari að flæða inn frá okkur. Það er hins vegar mjög jákvætt að við erum að fá góð færi og þetta mun fara að fara inn frá okkur.“
Hann segir liðið hafa spilað sinn leik og gert það vel og uppleggið fyrir næsta leik sé auðvitað hið sama. „Þá að halda áfram að byggja ofan á og verða ennþá betri í því sem við erum að gera. Stelpurnar eru alveg frábærar og eru að gefa sig allar í þetta og það er ekki hægt að biðja um meira en það,“ segir Donni og bætir við: „Síðan vil ég koma þökkum til þeirra sem komu að styðja stelpurnar okkar, fyrir það erum við mjög þakklát og það skiptir öllu máli í okkar barráttu.“
Leikskýrslu má finna HÉR
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.