Góður fjögurra mínútna kafli Meistaranna dugði ekki til
Tindastólsmenn heimsóttu Þorlákshöfn í kvöld í Subwaydeildinni. Ekki varð ferðin til fjár því Þórsarar voru sprækir sem lækir og léku á alsoddi megnið af leiknum. Átján stigum munaði í hálfleik en Stólarnir bitu frá sér í þriðja leikhluta. minnkuðu muninn í sex stig en þá settu heimamenn í rallýgírinn og sendu Íslandsmeisturunum fingurkoss um leið og þeir spóluðu yfir þá. Lokatölur 96-79 og Stólarnir því enn með tíu stig að loknum níu umferðum.
Nýr leikmaður Stólanna, Calloway, var ekki kominn með leikheimild en eitthvað vesen er að fá samþykkt félagaskipti í Kósóvó. Hann var engu að síður mættur í Ísvatnshöllina suður með sjó og því vonandi stutt í að kappinn renni sér í þá rústrauðu. Það var hins vegar ánægjulegt að sjá Davis Geks mættan til leiks á ný eftir meiðsli.
Þórsarar byrjuðu leikinn af krafti, komust í 14-7 en Pétur minnkaði bilið í fjögur stig með þristi og Drungilas minnkaði síðan muninn í tvö stig og staðan 16-14. Þá kom 10-0 kafli hjá heimamönnum og 13 stigum munaði að loknum fyrsta leikhluta. Staðan 29-16. Stólunum tókst að hægja örlítið á Þórsurum í öðrum leikhluta en sóknarleikurinn gekk brösuglega enda spiluðu Þórsarar góða vörn. Staðan í hálfleik var 52-34 og útlitið dökkt hjá Meisturunum.
Tómas Valur kom heimamönnum í 22 stiga forystu, 68-46, þegar rúmlega fjórar mínútur voru eftir af þriðja leikhluta og þá var eins og Stólunum væri pínu misboðið. Þeir náðu 17-1 kafla og munurinn því aðeins sex stig þegar fjórði leikhluti hófst, 69-63. Mikið hefur mætt á helstu kempum Tindastóls í gegnum meiðslaþrautagöngu síðustu vikna og það virtist sem þeir hefðu klárað benzínið á þessum prýðilega kafla og Þórsarar gengu á lagið á ný og lönduðu öflugum átján stiga sigri.
Drungilas var stigahæstur í liði Tindastóls með 17 stig og hann hirti níu fráköst. Lawson var með 14 stig, Tóti 13, Pétur 9, Geks 7, Hannes og Orri sex hvor, Raggi fjögur og sjö fráköst og Veigar setti einn þrist. Pavel þjálfari Ermolinski var ekki sáttur við leik sinna manna en reiknaði með að það mætti draga lærdóm af slæmu tapi.
Það er því bara þetta gamla góða áfram gakk og næst eru það sprækir kappar í liði Hattar sem mæta í Síkið. Það verður eitthvað.
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.