Góður sigur á liði Uppsveita Árnessýslu
Tindastólsmenn spiluðu fyrsta leik sinn í 4. deildini þetta sumarið í dag en þá kom lið Uppsveita í heimsókn á Krókinn. Leikurinn var ágæt skemmtun og hvorugt lið gaf þumlung eftir. Stólarnir voru lengstum betra liðið og uppskáru tvö mörk, eitt í hvorum hálfleik, en gestirnir minnkuðu muninn skömmu fyrir leikslok og sáu jöfnunarmarkið í hillingum. Það kom þó ekki og Stólarnir nældu því sanngjarnt í þrjú stig. Lokatölur 2-1.
Stólarnir hófu leik með Alejandro í markinu, Domi og Sverri í miðju varnarinnar og Anton Örth og Bragi Skúla í bakverðinum. Dom Furness, Donni og Sigurður Pétur á miðjunni, Addi Ólafs og Jón Gísli á könrunum og Jónas Aron frammi.
Heimamenn voru skarpir í fyrri hálfleik og kannski það eina sem vantaði var alvöru markamaskína frammi. Stólarnir náðu oft að búa sér til góðar stöður en gekk illa að skapa sér verulega góð færi en oft vantaði aðeins herslumuninn. Fyrsta markið kom eftir fast leikatriði á 17. mínútu en þá fékk Sverrir færi en fékk boltann aftur og náði að leggja hann fyrir sig og planta boltanum efst í fjærhornið. Vel gert. Stólarnir réðu ferðinni á miðjunni með þá Dominic, Konna og Sigurð Pétur að stjórna umferðinni. Staðan 1-0 í hálfleik.
Það reyndist oft vandamál í fyrrasumar að halda haus í 90 mínútur. Stólarnir voru ekki eins ákafir í sínum aðgerðum framan af síðari hálfleik og gestirnir komust betur inn í leikinn. Domi og Sverrir áttu hins vegar nánast fullkominn leik í vörninni og átu allt upp til agna sem gestirnir lögðu á borð fyrir þá. Smám saman fóru að myndast opnanir í vörn Uppsveita þegar þeir fóru að færa sig framar og Stólarnir voru búnir að klúðra nokkrum álitlegum sénsum áður en Jónas Aron náði að bæta við marki á 70. mínútu. Í stöðunni 2-0 fór af stað talsverð skiptingahringekja og þó svo að Stólarnir héldu áfram að skapa hættu fram á við þá virkaði varnarleikurinn ekki jafn traustvekjandi. Það kom engu að síður upp úr þurru þegar gestirnir minnkuðu muninn. Alejandro sló hornspyrnu gestanna út úr teignum og þegar Stólarnir færðu liðið framar þá voru skyndilega tveir gestir á auðum sjó í teignum þegar boltinn var sendur inn fyrir og Máni Snær Benediktsson skoraði. Lokamínúturnar reyndu gestirnir að jafna allt hvað af tók en þeir fengu enga sénsa og Stólarnir héldu þetta út.
Góður sigur því staðreynd á liði sem spáð var svipuðu gengi og liði Tindastóls, það er að segja um miðja deild. Margir leikmenn Tindastóls sýndu góða takta en að öðrum ólöstuðum þá áttu Sigurður Pétur og Dominic góðan leik á miðjunni og Dom og Sverrir í vörninni. Alejandro er ekki stór markvörður en hann gerði sitt vel, var snarpur og með öflugan talanda en var gjarn á að vilja kýla boltann frá markinu í fyrirgjöfum. Ekki var boðið upp á jafntefli í fyrstu umferð 4. deildar en Stólarnir heimsækja eitt af liðunum sem sömuleiðis er með þrjú stig, Vængi Júpíters, í næstu umferð. Leikið verður á Fjölnisvellinum í Grafarvogi Reykvíkinga föstudag kl. 19:15.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.