Gamla góða dagsformið skiptir nær öllu máli
Það er mögulega meistaraverk hjá almættinu að kæla Krókinn aðeins niður í dag því nægur er hitinn í brjóstum stuðningsmanna Tindastóls og sumar og sól mundi sennilega bræða úr mannskapnum. Fjórði leikurinn í einvígi Vals og Tindastóls fer nefinlega fram í Síkinu í kvöld og með sigri verður lið Stólanna Íslandsmeistari og það í fyrsta sinn. „Við eigum ekkert ennþá. Við þurfum að sækja þetta,“ segir Pavel Ermolinski, þjálfari Tindastóls í stuttu spjalli við Feyki.
Eins og allir vita þá gerðu Stólarnir sér lítið fyrir og unnu Valsmenn á Hlíðarenda nú á föstudaginn í hreint mögnuðum leik. Þá höfðu allir leikir einvígisins unnist á útivelli og Stólarnir reyndar nú unnið Val á Hlíðarenda í síðustu þremur leikjum. Sennilega dreymir þó alla stuðningsmenn Tindastóls um sigur í Síkinu í kvöld. Það lendir á þjálfarateyminu að undirbúa liðið fyrir – mögulega – stærtsta leikinn í sögu félagsins. Feykir spurði Pavel fyrst hvað hann var ánægðastur með í leik þrjú. „Ég var helst ánægður með að vinna leikinn. Núna snýst þetta bara um það, sama hvernig farið er að. Við vorum betri en Valsmenn en það er í raun aukaatriði.“
Hvað finnst þér helst lýsandi fyrir einvígi liðanna? „Tvö lið með ákveðna leikstíla. Sterkir karakterar báðum megin og gamla góða dagsformið skiptir nær öllu máli. Hvort liðið er með fleiri leikmenn sem spila vel.“
Hvaða tilfinningu gefur þetta ferðalag sem úrslitakeppnin er og er tími fyrir eitthvað annað en körfubolta þessa dagana? „Nei, það kemst ekkert annað að. Þetta er bæði ótrúlega skemmtilegt og lýjandi á sama tíma. En allir þeir sem eru að taka þátt í þessu eru meðvitaðir um hversu heppnir þeir eru að vera hluti af þessu og minningarnar sem þetta skapar.“
Hvað gerist næst – hvernig verður Tindastóll Íslandsmeistari? „Í þessum næsta leik verða spilaðar 40 mínútur af körfubolta og annað hvort liðið vinnur. Hver leikur hefur sína sögu. Það er mikilvægt að strákarnir og reyndar bara Skagafjörðurinn skilji að þetta er ekki okkar að tapa. Við eigum ekkert ennþá. Við þurfum að sækja þetta. Við þurfum að skapa þannig umhverfi fyrir strákana að þeim líði ekki eins og heimurinn sé á herðum þeirra. Það er enginn pressa á þeim, bara einstakur og einlægur stuðningur,“ segir Pavel að lokum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.