Frábær toppbaráttusigur Tindastóls
Það var stórleikur í 4. deildinni á Króknum í dag þegar heimamenn í Tindastól tóku á móti liði Hamars í Hveragerði. Lið Tindastóls hefur halað inn mikilvæg stig að undanförnu og var komið í annað sæti deildarinnar með 22 stig en Hvergerðingar voru tveimur stigum á eftir í þriðja sætinu. Sigur Stólanna hefði komið þeim í góða stöðu. Þetta gekk eftir og Stólarnir unnu stórsigur. Lokatölur 4-0.
Sverrir Hrafn fyrirliði kom sínum mönnum yfir á 31. mínútu með skalla eftir hornspyrnu og tveimur mínútum síðar tvöfaldaði Manuel Martinez forystuna og 2-0 stóð í hálfleik. Maxime Wester gerði út um leikinn á 57. mínútu en á 90. mínútu gerði Viktor Smári Sveinsson fjórða mark Stólanna og sitt fyrsta mark í 4. deildinni.
Feykir spurði Sverri Hrafn fyrirliða um leikinn og framhaldið. „Við erum bara mjög sáttir með leikinn í dag og hefðum hæglega getað skorað meira. Einn besti leikur okkar í sumar. Við erum bara brattir með framhaldið, förum ekkert fram úr okkur en markmiðið er skýrt.“
Hvernig líst þér á framhaldið? „Við erum að verða betri með hverjum leik og góð stemning i liðinu.“
Svo er það Fótbolti.net bikarinn eftir verslunarmannahelgi, þið eruð komnir í átta lið úrslitin. „Okkur líst bara vel á Kára í bikarnum. Við ætluðum okkur líka langt í þessari bikarkeppni og stefnum á sigur í þeim leik. Við gerum okkur grein fyrir að þeir eru á toppnum í 3. deildinni en við förum í alla leiki til að vinna,“ segir fyrirliðinn ákveðinn.
Sem fyrr segir er lið TIndastóls nú með 25 stig í öðru sæti en Ýmir er með jafn mörg stig en á leik til góðu líkt og flest önnur liðin í deildinni. Hamar er sem fyrr með 20 stig í þriðja sæti en Árborg og KH eru síðan bæði með 19 stig í 4.-5. sæti en þau mætast einmitt á þriðjudagskvöldið. Næstkomandi laugardag kemur síðan lið KH í heimsókn á Krókinn.
P.S. Þess má geta að Benjamín Jóhannes Vilbergsson, eða Benni Blönduósingu, spilaði í dag 200. leik sinn fyrir Tindastól. Til hamingju með það!
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.