Eva Rún blæs á slæma spá um gengi Stólastúlkna í körfunni
Á kynningarfundi Subway deildar kvenna, sem haldinn var í Laugardalshöll í gær, var m.a. kynntar spár formanna, þjálfara og fyrirliða liða í Subway- og 1. deild kvenna, og spá fjölmiðla fyrir Subway deild kvenna. Þar má sjá að Tindastól er ekki spáð góðu gengi í vetur.
Keppni í Subway deild kvenna hefst þriðjudaginn 20. september og 1. deildar kvenna 21. september. Stólastúlkur hefja sinn fyrsta leik föstudaginn 23. september gegn Breiðabliki b og kannski kaldhæðnislegt að tala um botnslag en þessum tveimur liðum er spáð versta gengi deildarinnar af formönnum, þjálfurum og fyrirliðum liðanna, Stólum 8. sæti og Blikum því 9. Ármanni er aftur á móti spáð efsta sætinu í 1. deildinni, KR öðru og Stjörnunni því þriðja.
Í Subway deildinni raða Haukar, Njarðvík og Valur sér í efstu sætin en ÍR mun falla, gangi spár eftir. Athygli vekur að spár formanna, þjálfara og fyrirliða og svo spá fjölmiðla eru fullkomlega samhljóma.
Þetta er fyrir Tindastól!
Feykir hafði samband við Evu Rún Dagsdóttur, lykilleikmann Tindastóls og spurði hvort hún væri sátt við spárnar.
„Nei, ég er alls ekki sammála, en ég tek ekki mark á neinni spá. Við hugsum bara um okkur og einbeitum okkur að okkar markmiðum. Ég spái okkur í úrslitakeppnina í vor.“
Eva segir æfingar hafa gengið vel sem af er tímabilinu þar sem liðið hafi fengið styrktarprógramm og æfingar með Arnari Björnssyni í byrjun ágúst sem kom þeim af stað. „Nýi þjálfarinn, og leikmenn, komu saman í byrjun september og höfum við æft af fullum krafti síðan. Mér finnst æfingarnar lærdómsríkar, vel skipulagðar og keyrðar af miklu tempói. Ég finn fyrir bætingu á liðinu eftir hverja æfingu.“
Körfuknattleiksdeild Tindastóls fékk sænska þjálfarann Patrick Ryan í herbúðir sínar fyrir þetta tímabil en sá hefur þjálfað frá árinu 1991, m.a. bæði karla- og kvennalið í efstu deildum Svíþjóðar auk þess að hafa þjálfað mörg yngri landslið Svíþjóðar. Evu líst vel á Patrick og segir hann bæði framúrskarandi þjálfara og frábæra manneskju og kemur með öðruvísi aðferðir en fyrri þjálfarar og nýjar æfingar sem henta liðinu vel.
Nú er stutt í fyrsta leik og forvitnilegt að vita hvort Eva Rún hafi einhver skilaboð til lesenda Feykis. „Ég vil sjá bestu stuðningsmenn landsins fylla stúkuna á kvennaleikjum líka. Við þurfum á ykkar stuðningi að halda. Þetta er fyrir Tindastól!“
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.