„Erum ekki búnir að vinna neitt, það er mjög mikilvægt að hausinn sé þar,“ segir Svavar Atli um rimmu kvöldsins
Eins og alþjóð er kunnugt um verður einn mikilvægasti körfuboltaleikur sem fram hefur farið á Sauðárkróki spilaður í kvöld þegar Tindastóll tekur á móti ríkjandi meisturum í Val í úrslitakeppni Subway-deildar. Með sigri hampa heimamenn bikarnum en vinni Valur fer fram oddaleikur nk. fimmtudag syðra. Svavar Atli Birgisson, einn þjálfara Stóla segir mikilvægt að spennustigið fari ekki yfir hina fínu línu.
Það hefur ætíð þótt kostur fyrir sérhvert lið í úrslitakeppninni að vera með hin svokallaða heimaleikjarétt þar sem liðið sem ofar er á stigatöflunni eftir deildarkeppnina hefur leik á sínum heimavelli í hverri rimmu. Valur, sem deildarmeistari, hóf því leik á heimavelli gegn Tindastól sem hafnaði í 5. sæti en eins undarlegt og það hljómar hefur Stólum gengið betur á Hlíðarenda. Sem sagt bæði lið hafa unnið sína leiki á útivelli. Feykir hafði samband við Svavar Atla og spurði hvernig hans skýring væri á því að liðið vinni á útivelli en tapi heima.
„Ég myndi segja að með síðasta heimaleik sé sambland að Valsmenn voru með bakið við vegginn, með mikla reynslu og hitta á daginn. Þeir voru bara góðir, það má ekki taka það frá þeim. En það sem snýr að okkur þá náðum við ekki alveg að svara þessu og mér fannst við hafa verið yfirspenntir. Þegar leikmenn eru komnir þangað þá fer boltinn frekar að skrúfast upp úr hringnum og hugur og líkami fer ekki saman,“ segir þjálfarinn og samsinnir blaðamanni að stundum þurfi að tjúnna leikmenn niður: „Já, og þetta er alveg fín lína. Mér fannst bara að við hefðum farið yfir hana í þessum leik.“
Engu var líkara en Valsmenn hafi sogað skagfirsku stemninguna í sig í þessum síðasta heimaleik og er Svavar sammála því.
„Já, alveg klárlega. Með þessa reynslubolta í liðinu sem þrífast á svona,“ útskýrir hann og tekur Kára Jónsson sem dæmi. „Þeir nýttu sér orkuna í húsinu og stemninguna sér í hag og náðu að kveikja í sér. Þannig að við fórum aðeins yfir þessa línu sem ég nefndi áðan en þeir voru á réttum stað.“
Svavar segir að á takist tvö hörkulið og árangur geti snúist um að aukaleikarar skili einhverju inn á borðið. „Eins og í síðasta leik með Ragnar sem dæmi. Þetta skilur á milli því að liðin eru búin að kortleggja hvort annað og eru að gera upp ákveðna hluti og þá er rosalega sterkt sem dæmi að gefa upp Ragga, að hann setji þessi skot og fái þessi færi, og að fá hina þá til að hugsa eitthvað annað. Meðan þú kemst upp með það að loka á ákveðnar leiðir og gefa upp eitthvað sem er ekki að virka fyrir okkur þá er það mjög erfitt fyrir okkur. Í síðasta leik náðum við að slökkva á Kára Jónssyni þá voru leiðirnar aðeins erfiðari fyrir þá, þeir skoruðu aðeins 30 stig á okkur í seinni hálfleik sem er magnað. Þá fórum við í okkar leik.
Heldurðu að það hafi einhver áhrif að bikarin verður staðsettur í húsinu meðan leikurinn fer fram?
„Já, já, ég held að þetta verði meira áþreifanlegt að hafa eitthvað fyrir framan sig eins og í fyrra, það breytti aðeins andrúmsloftinu. En við munum nálgast þetta eins og við höfum verið að gera. Hver leikur er bara sér verkefni, fortíðin er ekkert að hjálpa okkur þarna. Við þurfum að nálgast þetta eins og við þurfum að ná í þetta en ekki verja, af því við erum ekki búnir að vinna neitt. Það er mjög mikilvægt að hausinn sé þar,“ segir Svavar í lokin sannfærður um sigur Stólanna í kvöld.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.