Erfiður lokakafli á Þórsvellinum í gærkvöldi
Það var nágrannaslagur á Þórsvellinum í gærkvöldi þegar Stólastúlkur heimsóttu lið Þórs/KA í Bestu deild kvenna. Lið Akureyringa hefur löngum verið liði Tindastóls erfitt og lítið gengið að krækja í stig gegn þeim. Á því varð engin breyting í gærkvöldi en eftir markaþurrð fyrsta klukkutímann þá opnuðust flóðgáttir í vörn gestanna eftir að heimastúlkur náðu forystunni. Lokatölur 5-0.
Murr var ekki með Stólastúlkum í gær, var reyndar á bekknum, er að jafna sig af meiðslum og átti að nýtast sem leynivopn í lokin ef staðan biði upp á það – sem hún gerði ekki. Leikplan Donna þjálfara gekk ágætlega upp framan af leik og varðist lið Tindastóls vel framan af leik. Hrafnhildur, sem er nýstigin upp úr meiðslum, fór af velli á 37. mínútu og inn kom Krista Sól. Rétt fyrir hlé urðu heimastúlkur fyrir áfalli þegar þeirra skæðasti leikmaður, Sandra María Jessen, handarbrotnaði eftir að boltinn skaust í hendina á henni. Þá var hún reyndar nýbúin að klúðra dauðafæri. Staðan 0-0 í hálfleik.
Gestirnir úr Skagafirðinum komu beittir til leiks í síðari hálfleik og voru sannarlega óheppnir að ná ekki forystunni. Krista átti skot naumlega framhjá, María Dögg setti boltann í þverslá og Melissa skoraði það sem flestir töldu löglegt mark – nema dómarinn. Að mati Donna var Melissa á undan nöfnu sinni í marki Þórs/KA í boltann en markvörðurinn lenti á Stóla-Melissu eftir að hún skallar boltann í markið. Þetta reyndist vendipunktur í leiknum því í stað þess að ná dýrmætri forystu lentu Stólastúlkur undir á 62. mínútu þegar Dominique Randle skoraði eftir hornspyrnu. Karen Sigurgeirsdóttir bætti við öðru marki tveimur mínútum síðar og hörmungar sex mínútna kafla lauk með þriðja marki heimastúlkna þegar Una Móeiður Hlynsdóttir gerði þriðja markið á 68. mínútu.
Hulda Ósk Jónsdóttir gerði laglegt mark á 79. mínútu og hún innsiglaði stórsigur heimastúlkna með því að skora úr víti í uppbótartíma eftir að Hannah hafði nánast gripið boltann í vítateig Tindastóls.
Það var ljóst að þrír síðustu leikirnir í fyrri umferð Bestu deildarinnar yrðu erfiðir en mótherjarnir voru Þróttur, Valur og Þór/KA. Einhverja dreymdi þó um að næla í tvö-þrjú stig en niðurstaðan varð þrjú töp og markatalan 0-13. Lið Tindastóls er í áttunda sæti að loknum níu leikjum, með átta stig og einu stigi fyrir ofan ÍBV og Selfoss sem eru í fallsætunum. Það var jákvætt að sjá í gær að Donni var tilbúinn að setja tvær 15 ára stúlkur inn á og gefa þeim færi á að spreyta sig í Bestu deildinni. Þetta voru Skagstrendingarnir bráðefnilegu; Birgitta Rún og Elísa Bríet.
- - - - -
Skapti Hallgríms á Akureyri.net tók myndir á leiknum – og er ekki alveg sammála Donna um markið sem dæmt var af >
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.