Topplið Stjörnunnar aðeins of stór biti fyrir Stólastúlkur
Fyrri leikur í tvíhöfða einvígi Tindastóls og Stjörnunnar hófst kl. 17:15 í Síkinu í dag fyrir framan um hundrað áhorfendur. Lið Tindastóls hefur átt undir högg að sækja allt frá því í annarri umferð móts á meðan lið Garðbæinga hefur blómstrað og unnið alla leiki sína. Þrátt fyrir fína byrjun heimastúlkna þá reyndust gæðin meiri hjá gestunum og þær unnu sannfærandi sigur, 71-92.
Stjörnustúlkur fóru betur af stað í dag og leiddu 4-10 eftir þrjár mínútur. Þá kom frábær 13-0 kafli hjá heimaliðinu þar sem Eva Rún fór mikinn og lið Tindastóls hélt frumkvæðinu út fyrsta leikhlutann og leiddi að honum loknum með sjö stiga mun, 26-19. Það hefði mátt halda að Stólastúlkur hefðu móðgað gestina með þessari frammistöðu því Stjörnustúlkur tóku öll völd í öðrum leikhluta. Eftir fimm mínútna leik var staðan orðin 30-36 og með Diljá Ögn, sem er nú reyndar 180 sm há, í banastuði þá jókst munurinn fram að hléi en þá munaði tíu stigum. Staðan 42-52 í hálfleik.
Lið Tindastóll náði ekki að minnka muninn að ráði í þriðja leikhluta og munurinn yfirleitt 8-12 stig á liðunum. Að sama skapi tókst gestunum ekki að hrista Stólastúlkur af sér og það var því enn séns á endurkomu þegar fjórði leikhluti hófst og staðan 55-68. Stefanía Hermanns skellti í þrist í byrjun leikhlutans og minnkaði muninn í tíu stig en Elísabet Ólafsdóttir svaraði að bragði. Chloe og Emese gerðu síðan sitt hvora körfuna fyrir Tindastól og minnkuðu muninn í níu stig en þegar tæpar fimm mínútur voru til leiksloka hafði gestunum tekist að mjaka muninum upp í 15 stig og vonir heimastúlkna fjöruðu út í framhaldinu.
Ágæt frammistaða gegn toppliði deildarinnar en betur má ef duga skal. Chloe Wanink var atkvæðamest með 31 stig í kvöld og ellefu fráköst. Emese Vida gerði tólf stig og tók sömuleiðis tólf fráköst, Eva var með 14 stig og Inga Sólveig sex. Í liði Stjörnunnar var Diljá Ögn með 28 stig og Riley Popplewell 18 og 15 fráköst. Gestirnir voru sterkari undir körfunni og hirtu 48 fráköst en lið Tindastóls 38 og þær töpuðu 14 boltum á meðan heimastúlkur glötuðu boltanum 19 sinnum.
Síðasti leikur Tindastóls í fyrstu umferð af þremur í vetur, verður á Meistaravöllum á laugardaginn kl. 16 en þar bíða KR-stúlkur eftir þeim. Vesturbæingar eru sem stendur í fjórða sæti deildarinnar með tíu stig eftir sjö leiki.
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.