Gamlárshlaupið áfram árlegt, Árni afhenti keflið
Allmörg ár eru síðan sýnilegur og jafnframt fjölmennur hópur fólks setti svip sinn á Sauðárkrók. En þá fór um bæinn, holt, heiðar og nær sveitir hópur fólks, í hvers lags veðri, hlaupandi eða gangandi og hélt oftar en ekki til við Sundlaug Sauðárkróks. Þetta var Skokkhópurinn, sem varð til með samvinnu íþróttakennara í bænum og var virkni hópsins mikil, til lengri tíma.
Gamlárshlaupið sem haldið hefur verið undanfarna áratugi er einmitt afurð þessa félagaskapar, því skokkhópurinn hélt fyrsta hlaupið, þá einungis aðilar að hópnum sjálfum sem hlupu saman á gamlársdegi árið 1996. Þátttakendur þá voru 35 talsins og þótti vel heppnað að taka holla hreyfingu á þessum síðasta degi ársins til að losna undan amstri dagsins og hlaupa af sér saltað kjöt og syndir ársins. Því var tekin sú ákvörðun að gera þetta að almenningsviðburði og hvetja þannig fleiri til þátttöku.
Fyrsta hlaupið, í nánast sömu mynd og þekkist í dag, fór því fram árið 1997 og voru bæjarbúar hvattir til að koma og taka þátt, á sínum forsendum. Í þessu sama hlaupi voru einnig fyrstu úrdráttarverðlaunin og var Sigríður Svavarsdóttir, oftast kölluð Sirrý, sú sem vann þá gjafabréf í sportvörudeildina í Skagfirðingabúð. Þetta varð uppskriftin að því sem hlaupið er í dag, sem felst í einfaldri umgjörð, skráningu á staðnum, engu þátttökugjaldi og flottum úrdráttarverðlaunum ásamt alhliða hvatningu til allra aldurshópa að koma saman á síðasta degi ársins, stunda létta hreyfingu og útveru og eiga heilsusamlega samveru hvert með öðru.
Þátttakendur hafa frjálst val um hvað þeir fara langa vegalengd, hversu hratt þeir vilja fara yfir og þannig hefur tekist að höfða til sem flestra. Aldursbil þátttakenda er breytt og mæta heilu fjölskyldurnar samsettar úr nokkrum ættliðum eða leggjum saman og eiga þar góða stund.
Í ár var haldið 24. hlaupið eftir þessu sniði og hafa þátttakendur aldrei verið fleiri eða 294 talsins, sömuleiðis voru úrdráttarverðlaunin 77, þannig að rúmlega fjórðungur þátttakenda fór heim með verðlaun. Þetta var jafnframt síðasta hlaupið sem Árni Stefánsson skipuleggur, en hann hefur haldið skipulagningu uppi frá upphafi hlaupsins, með dyggri aðstoð annarra meðlima skokkhópsins. Í lok hlaupsins var Árna veittur þakklætisvottur frá sveitarfélaginu ásamt því að hann gaf skipulagskeflið til nýrra handa.
Mikilvægt er fyrir samfélög að halda í góðar hefðir og því er frábært að vita til þess að kominn sé nýr hópur í bæinn sem tilbúinn er að halda þessu áfram. En hlaupahópurinn Rammvilltar ætla að taka við skipulagningu og halda áramótahefðinni á lofti, sem hefur verið samfelld að covid árum undanskyldum.
Almenn ánægja hefur verið með hlaupið í gegnum árin og hefur mætingin verið til fyrirmyndar í gegnum árin og vonandi heldur hún áfram að vaxa um ókomin ár.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.