„Ekki hætta að reyna að toppa sjálfa ykkur“
Feykir sagði frá því í sumarbyrjun að margfaldi meistarinn okkar stóri, Sigurður Gunnar Þorsteinsson, hafi ákveðið að rifta samningi sínum við Íslandsmeistara Tindastóls í körfunni og leita á önnur mið. Ýmsir voru undrandi en sennilega má rekja ákvörðun kappans til þess að minna hafi verið að gera í vinnunni en hann bjóst við – mínútunum á parketinu hefur jú farið fækkandi. Nú í vikunni varð síðan ljóst að Sigurður Gunnar hefur ákveðið að snúa heim til Ísafjarðar og spila með liði Vestra í 2. deildinni.
Hann er nú orðinn 35 ára og vill augljóslega fá að njóta lífsins spilandi körfubolta í stað þess að dvelja á bekknum. Feykir tók aðeins púlsinn á Sigurði Gunnari í tilefni af tímamótunum.
Hvernig var tíminn með liði Tindastóls og hvernig er að spila fyrir framan þessa stuðningsmenn? „Síðustu tímabil hafa verið skrautleg en skemmtileg. Við fjölskyldan höfum kynnst fullt af frábæru fólki í kringum körfuna og utan hennar. Bæði tímabilin voru keimlík, byrjuðu með miklum væntingum leikmanna og samfélagsins. Þegar sólin tók að lækka þá voru atburðir sem urðu þess valdandi að andrúmsloftið varð þyngra í klefanum, á pöllunum og í samfélaginu öllu. En eftir áramót létti til með breytingum, sérfræðingarnir á svölunum urðu jákvæðari og liðinu gekk betur og betur með hverjum leiknum. Síðan endaði þetta allt í skagfirskri sveiflu um vorið.“
Finna leikmenn vel fyrir væntingum stuðningsmanna? „Já, við gerum það. Persónulega finnst mér skemmtilegra að spila þegar það eru gerðar miklar væntingar til mín. Það var auðvitað leiðinlegt þegar við náðum ekki að standast væntingar.“
Í vor voru tíu ár frá því þú hampaðir Íslandsmeistaratitli síðast. Varstu stoltur að krækja í fjórða titilinn eftir þetta langa pásu? „Já, ég er mjög stoltur af því, það er búið að fara mikil vinna í alla þessa titla, líkamleg og tilfinngaleg. Þetta er margfalt erfiðara en fólk gerir sér grein fyrir.“
Einhver skilaboð til Tindastólsfólks í lokin? „Já, verið góð við strákana í vetur. Þetta er í fyrsta sinn sem strákarnir hafa ekki Helga Rafn sem fyrirliða og hann sá vel um liðið sitt. Þeir gætu orðið svolítið áttavilltir til að byrja með, enda man varla nokkur maður hver var fyriliði á undan Helga. Ef þið sjáið strákana vera að ráfa um göturnar og vitið að þeir eiga vera á æfingu, þá hjálpið þið þeim kannski að rata upp í íþróttarhús. Ekki hætta að reyna toppa sjálfa ykkur, ykkur tekst það alveg örugglega! Takk kærlega fyrir mig og fjölskylduna mína,“ segir Siggi að lokum.
Feykir þakkar Sigga og fjölskyldu fyrir tíma sem aldrei mun lýða úr minninu.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.