Ekki beinlínis ágætis byrjun
Fyrsti leikur karlaliðs Tindastóls í úrslitakeppninni fór fram í Smáranum í Kópavogi í gærkvöldi. Ekki ráku meistararnir beinlínis af sér slyðruorðið með frammistöðu sinni þrátt fyrir að hafa skorað 88 stig því Grindvíkingar gerðu 111 og synd að segja að varnarleikur Stólanna hafi verið upp á marga fiska. Það voru tapaðir boltar sem reyndust dýrkeyptir að þessu sinni. Venju samkvæmt voru Stólarnir vel og dyggilega studdir en það var fátt til að gleðja þá þegar á leið.
Það vantaði svo sem ekki að leikurinn var fjörugur. Fyrsti leikhluti var jafn og staðan 22-22 þegar ein og hálf mínúta var eftir en Grindvíkingar leiddu að honum loknum, 29-25. Tindastólsmenn héldu vel í heimamenn framan af öðrum leikhluta, staðan 39-36, þegar þrjár og hálf mínúta var liðin en þá náðu Grindvíkingar undirtökunum og komust mest 17 stigum yfir fyrir hlé. Staðan í hálfleik 56-41 og Stólarnir í erfiðri stöðu.
Ekki skánaði staðan í upphafi síðari hálfleiks þar sem Grindvíkingar gerðu fyrstu tíu stig síðari hálfleiks og þar með búnir að ná 25 stiga forystu. Reyndar var staða Stólanna svo sorgleg að þegar tvær mínútur voru liðnar af seinni hálfleik hafði Dedrick Basile gert 19 stig – eða jafn mörg stig og allt byrjunarlið Tindastóls. Staðan var 86-63 að loknum þriðja leikhluta en mest varð forysta heimamanna 28 stig í upphafi fjórða leikhluta og úrslitin löngu ráðin.
Raunar var skotnýting liðanna á svipuðu róli og bara ansi góð en munurinn var sá að lið Grindavíkur tók talsvert fleiri skot í leiknum – sennilega vegna þess að Stólarnir töpuðu 18 boltum en Grindvíkingar sjö. Þetta leiddi til þess að þeir gerðu 21 stig í hraðaupphlaupum gegn sex stigum Stólanna og 27 stig eftir að Stólarnir töpuðu boltanum á meðan okkar menn gerðu fimm stig eftir að Grindvíkiingar töpuðu boltanum. Og þar lá hundurinn grafinn að þessu sinni.
Jacob Calloway var stigahæstur í liði Tindastóls með 18 stig og Davis Geks gerði 16 stig. Lawson og Drungilas gerðu 13 stig hvor en Drungilas var með sjö fráköst líkt og Þórir sem gerði að auki sjö stig og átti ellefu stoðsendingar.
Þetta er auðvitað bara einn sigur hjá Grindvíkingum og Stólarnir hafa tíma og lið til að bregðast við. Þá þurfa strákarnir auðvitað að stíga upp og það hefur nú ekki gengið sérlega vel í vetur og augljóslega ekki einhver takki sem hægt er að ýta á. Stólarnir verða að koma enn einbeittari og ákafari til leiks á mánudaginn í Síkinu. Svavar þjálfari lofar í það minnsta betri frammistöðu þá. Áfram Tindastóll!
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.