Einum færri náðu Stólarnir að sigra Dalvík/Reyni
Tindastóll tók á móti Dalvík/Reyni í 2. deild karla í knattspyrnu í gærkvöldi. Liðin skipuðu tvö neðstu sætin í deildinni fyrir leikinn en ljóst var að með sigri næðu Stólarnir að þoka sér ofar í deildinni. Þrátt fyrir glampandi sól gerði köld norðvestanátt leikmönnum lífið leitt og hafði talsverð áhrif á gæði fótboltans.
Leikurinn tafðist um hálftíma eftir að gestirnir urðu fyrir óhappi á leið í leikinn. Þeir léku með vindinn í bakið í fyrri hálfleik en það voru þó heimamenn sem voru mun sterkari framan af og aðeins Sveini Leó Bogasyni í marki gestanna um að kenna að Stólarnir voru ekki komnir með ágætt forskot fyrir hlé. Undir lok hálfleiksins náðu gestirnir loksins að ógna marki Tindastóls eftir horn- og aukaspyrnur en höfðu ekki erindi sem erfiði. Bjarni Smári Gíslason krækti sér í gult spjald á 41. mínútu og mótmælti þeim dómi kröftuglega og mátti teljast heppinn að fá ekki annað spjald í kjölfarið.
Hann fékk reyndar að skoða sama gula spjaldið hjá dómaranum þegar um tíu mínútur voru liðnar af síðari hálfleik og sá því rautt í framhaldinu. Stólarnir höfðu hafið síðari hálfleikinn vel og pressuðu stíft að marki D/R. Sérstaklega var Arnar Skúli Atlason duglegur að þeysa upp hægri kantinn og ógna marki gestanna. En einum fleiri náðu gestirnir betri tökum á leiknum þó Stólarnir væru alltaf hættulegir með vindinn í bakið. Sérstaklega voru hornspyrnur Tindastóls stórhættulegar og stuðningsmenn Stólanna hristu hausinn forviða þegar ítrekað vantaði stóra tá til að ýta boltanum í markið. Eitthvað hlaut þó á endanum að falla með Stólunum og það var Fannar Örn Kolbeinsson sem keyrði boltann yfir línuna eftir hornspyrnu á 74. mínútu við mikinn fögnuð Tindastólsmanna.
Gestirnir hleyptu meiri krafti í sóknina og reyndu hvað þeir gátu að jafna leikinn. Stólarnir notuðu snillinginn Benjamín Gunnlaugs á vinstri kantinum til að ógna marki D/R, tefja tímann og sýna kúnstir og höfðu vallargestir gaman af að sjá hann ergja gestina með klobbum, vippum og fleira suðrænu fíneríi. Stólarnir hafa ekki oft haft jafn lipran leikmann og Benna í sínu liði en oft vantar kappann styrk til að setja punktinn yfir i-ið. Hann á í það minnsta heiður skilinn fyrir að fá blóðið til að renna í hálf frosnum stuðningsmönnum Stólanna.
Lokatölur því 1-0 í dýrmætum sigri og Stólarnir lyftu sér upp í níunda sæti deildarinnar og eru með 10 stig eftir 10 leiki. Þetta var fyrsti sigur liðsins á heimavelli í sumar og vonandi fylgja margir fleiri í kjölfarið. Bjarki og Sigurvin voru traustir í vörn Tindastóls og í heildina voru menn vinnusamir og staðráðnir í að hafa sigur þrátt fyrir erfiðar aðstæður. Fannar var kröftugur á miðjunni og Ingvi Hrannar barðist fremstur framan af en féll í bakvörðinn þegar Bjarni Smári yfirgaf svæðið.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.