„Ég segi topp sex, annað væri vonbrigði!“
„Sumarið leggst mjög vel í mig, við erum komnir með mjög sterka leikmenn til liðs við okkur en það mun taka tíma að spila okkur saman. Við þurfum að treysta á einstaklingsgæði í fyrstu leikjunum,“ segir Sigurður Bjarni Aadnegard, fyrirliði Kormáks/Hvatar. Húnvetningar hefja leik í 3. deildinni í knattspyrnu annað sumarið í röð í dag þegar þeir mæta liði ÍH í Skessunni í Hafnarfirði. Tólf lið munu slást í deildinni í sumar og á dögunum birti Fótbolti.net spá þjálfara deildarinnar og þar var liði Húnvetninga spáð níunda sæti.
Það má segja að undirbúningur Kormáks/Hvatar sé óhefðbundinn miðað við önnur lið. Leikmenn mæta seint til æfinga enda talsvert um erlenda leikmenn í hópnum sem skila sér til landsins þegar veturinn er að mestu liðinn og liðið tekur því ekki þátt í Lengjubikar eða Kjarnafæðismótinu líkt og flest önnur lið hér fyrir norðan. Það liggur því beint við að spyrja fyrirliðinn hvort liðið komi vel undirbúið til leiks og hvort það hafi náð að spila einhverja æfingaleiki. „Liðið kemur þokklega til leiks en það vantar slatta í hópinn, menn meiddir og fjarverandi. Við höfum verið að spila æfingaleiki i bænum allar helgar og unnið alla þá leiki. Síðan tókum við tvo leiki við Tindastól og vorum með það markmið að byggja Tindastóllsliðið upp fyrir sumarið og kenna þeim þessa sigurhefð sem hefur vantað þar síðustu tvo ár,“ segir fyrirliðinn léttur.
Þjálfarar spá Kormáki/Hvöt níunda sæti, hver er þín spá? „Eg spái okkur góðu gengi, þurfum að reyna að harka út einhver stig í maí. Ég segi topp sex, annað væri vonbrigði.“
Hver heldurðu að munurinn verði á 3. deildinni í ár miðað við síðasta sumar? Ég held að munurinn verði ekki mikill. Deildin verður liklega skipt tvískipt, sex mjög góð lið sem eiga séns á efstu tveimur sætunum og svo sex lið sem verða þarna i neðri hlutanum.“
Eru komnir nýir og spennandi leikmenn sem verður gaman að fylgjast með í sumar? „Við höfum fengið mjög mikið af spennandi leikmönnum, erum með svipað lið og í fyrra en bættum við okkur Ismael,Alberto og Lazar sem eru gæðaleikmenn. Síðan myndi ég fylgjast vel með Kristni Bjarna og Orra Ara sem munu setja svip sinn á liðið í sumar.“
Einhver skilaboð til stuðningsmanna í lokin? „Elskaðir, hataðir en aldrei hunsaðir. Ást og friður!“
Í spjalli Fótbolta.net við Aco Pandurevic, þjálfara Kormáks/Hvatar, segist hann reikna með að 3. deildin verði ekki jafn sterk í sumar og í fyrra og bendir á að þrjú lið hafi komið upp í deildina úr þeirri fjórðu fyrir tímabilið. „ Það er erfitt að spá en kannski geta spár haft góð áhrif á liðin sem er ekki spá svo góðu gengi. Kormákur/Hvöt er með góða leikmenn, en við erum svolítið eftir á í samanburði við hin liðin vegna þess að æfingaaðstæður eru ekki góðar og við erum enn að safna liðinu en á heildina litið er ég mjög spenntur að við séum að byrja tímabilið."
Í dag mæta Húnvetningar liði ÍH sem spáð var 11. sæti og það væri sterkt að ná í stig. Leikurinn er sem fyrr segir spilaður í Skessunni í Hafnarfirði og hefst kl, 14:00. Áfram Kormákur/Hvöt!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.