Bjarni Jó brá fæti fyrir Húnvetninga
Húnvetninga dreymdi um endurkoma líka þeirri sem Rocky átti gegn Ivan Drago í Rocky IV forðum þegar lið Selfoss heimsótti Blönduós í gær. Þar hóf lið Kormáks/Hvatar síðari umferðina í 2. deildinni en í upphafi móts stálu Selfyssingar öllum stigunum sem í boði voru í 1-0 sigri á Selfossi. Lífið er sjaldnast eins ig Hollywood mynd og enginn endurkomusigur fékkst í sunnanvindinum. Topplið Selfoss nældi aftur í þrjú stig en eftir markalausan fyrri hálfleik settu þeir tvö í þeim síðari. Lokatölur því 0-2.
Samkvæmt Aðdáendasíðu Kormáks þá var jafnræði með liðunum í fyrri hálfleik en Uros markvörður þurfti aðeins einu sinni að sýna snilli sína, varði þá aukaspyrnu gestanna. Heimamenn áttu sömuleiðis sína sénsa en ekki tókst að koma boltanum í markið.
Gonzalo Leon kom gestunum yfir á 61. mínútu eftir klafs í teig Húnvetninga og þá þurftu heimamenn að stíga upp. Það var því nokkuð gegn gangi leiksins sem Leon bætti við öðru marki Selfoss á 77. mínútu en það kom úr víti sem dæmt var eftir peysutog. Ekki tókst liðsmönnum Kormáks/Hvatar að koma til baka og þar með fóru Bjarni þjálfari Jó og félagar suður á Kótelettuna með stigin þrjú.
Selfyssingar er því áfram á toppi deildarinnar en lið Húnvetninga er nú í tíunda og þriðja neðsta sæti með 12 stig, með heldur verri markatölu en KFG. Liðið hefur aðeins gert tíu mörk í 12 leikjum en á sama tíma aðeins fengið á sig 17 mörk. Næstu tveir leikir eru gríðarlega mikilvægir en fyrst heimsækja Húnvetningar botnlið Sandgerðinga og þar á eftir koma liðsmenn Knattspyrnufélags Fjallabyggðar í heimsókn á Hvammstanga.
Fleiri fréttir
-
Allir geta verið stoltir af liði Tindastóls, segir Donni
feykir.is Skagafjörður, Íþróttir 07.09.2024 kl. 23.57Feykir spurði Donna, þjálfari Stólastúlkna, hvort hann væri stoltur af liðinu sínu eftir mikilvægan sigur á Fylki. „Ég er í skýjunum með frammistöðuna í dag þegar allt var undir. Stelpurnar stóðust pressuna alveg eins og ég vissi að þær gætu gert. Þær gerðu það sama í fyrra og í raun hefðu mörkin í dag getað verið jafn mörg og þá,“ sagði hann og vísaði í 7-3 sigur á ÍBV í fyrra við svipaðar kringumstæður.Meira -
Stólastúlkur áfram á meðal þeirra Bestu!
feykir.is Skagafjörður, Íþróttir 07.09.2024 kl. 22.05Mikilvægasti leikur sumarsins var spilaður í dag á Sauðárkróksvelli þar sem Tindastóll og Fylkir mættust í nokkurs konar úrslitaleik um sæti í Bestu deild kvenna. Með sigri Fylkis hefðu þær jafnað Stólastúlkur að stigum og átt botnlið Keflavíkur í síðustu umferðinni í úrslitakeppni neðri liða á meðan lið Tindastóls hefði sótt Stjörnuliðið heim. Frá fyrstu mínútu réðu hins vegar heimastúlkur ferðinni, spiluðu í raun hinn fullkomna leik og unnu lið gestanna 3-0 – og tryggðu þar með sætið í Bestu deildinni. Til hamingju Stólastúlkur!Meira -
Fjölmennt í Síkinu þegar Stólarnir lögðu Þórsara
feykir.is Skagafjörður, Íþróttir 07.09.2024 kl. 19.28Fyrsti æfingaleikur karlaliðs Tindastóls í körfubolta fór fram í gærkvöldi en það voru Þórsarar sem þræddu þjóðveginn úr Þorlákshöfn alla leið í Síkið eina og sanna. Ekki er nema um vika síðan allir leikmenn Stólanna komu fyrst saman til æfinga en samkvæmt Körfunni.is þá leiddu heimamenn frá fimmtu mínútu og allt til leiksloka. Lokatölur 95-83.Meira -
„Að skrifa ljóð, texta og rapp er eins og sálfræðimeðferð fyrir sjálfan mig“ / INGI SIGÞÓR
feykir.is Skagafjörður, Tón-Lystin 07.09.2024 kl. 11.31Þá er það Ingi Sigþór Gunnarsson sem teikar Tón-lystar-vagninn að þessu sinni. Það er reyndar bannað að teika og því ekki til eftirbreytni. Ingi Sigþór býr í Fellstúninu á Króknum, er árgangur 2000 sem er auðvitað mjög þægilegt ef menn þurfa að gefa upp aldur – svo lengi sem menn vita hvað ár er. „Ég er alfarið alinn upp á Króknum og er sonur Elvu Bjarkar Guðmundsdóttur og Gunnars Braga Sveinssonar,“ segir Ingi. „Ég kann eitthvað smá á gítar en annars treysti ég mest á röddina sem og kunn-áttu mína á hljóðvinnsluforrit.“Meira -
Tóku fyrri sláttinn með 3ja daga áhlaupi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 07.09.2024 kl. 09.00Rúnar Aðalbjörn Pétursson, býr í Hólabæ í Langadal ásamt Auði Ingimundardóttur sambýliskonu og börnunum þeirra Pétri Inga og Lilju Björgu. Rúnar er starfandi bóndi með búfræðimenntun og sveinspróf í húsasmíði. Þau búa á blönduðu búi með tæplega 40 mjólkandi kýr og 400 vetrarfóðraðar kindur. Ásamt því vinnur Auður sem ráðunautur hjá Ráðgjafamiðstöð landbúnaðarins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.