Baldur og Alli enduðu í öðru sæti
Dagana 5. – 6. júní í var ekin fyrsta umferð íslandsmótsins í rallý. Það var Akstursíþróttafélag Suðurnesja sem skipulagði keppnina en fimmtán áhafnir mættu til leiks seinnipart föstudags.
Spennan var mikil strax í upphafi en margir fyrrum íslandsmeistar tóku þátt og ljóst að hart yrði barist um verðlaunasæti. Fór enda svo að einugis örfáar sekúndur skildu að fyrstu fjögur sætin þegar næturhlé var tekið á föstudagskvöldið en þá höfðu verið eknar fimm sérleiðir af alls ellefu. Ein áhöfn hafði fallið úr leik um þá kvöldið.
Spennan var gríðarleg þegar áhafnirnar fjórtán mættu á laugardagsmorguninn. Eknar voru þrjár sérleiðir um Djúpavatn, hraðinn jókst með hverri leið og viðbúið var að eitthvað yrði undan að láta. Álag var mikið, bæði á bifreiðar sem og áhafnir en systkinin Daniel og Ásta Sigurðarbörn voru fyrst í toppbaráttunni til að falla úr leik. Einnig lentu þeir Hennig Ólafsson og Árni Gunnlaugsson fljótlega í vandræðum með túrbínu í Subaru-bifreið sinni. Þeim tókst þó að leysa vandann en töfðust all verulega sem gerði vonir þeirra um veðlaunasæti að engu.
Á síðustu Djúpavatnsleiðinni náðu Valdimar J. Sveinsson og Skafti Skúlason að slíta sig frá Baldri Haraldssyni og Aðalsteini Símonarsyni og var þá orðið nokkuð ljóst hverjir myndu skipa fyrsta og annað sætið. Um þriðja sætið var hörð barátta milli Eyjólfs Melsteð og Heimis Snæs Jónssonar annars vegar og sunnlendinganna Þórs Lína Sævarssonar og Sigurjóns Þórs Þrastarsonar hinsvegar en þeir Þór Líni og Sigurjón féllu úr leið á næst síðustu sérleið.
Það voru 10 áhafnir sem luku keppni en sigurvegarar urðu þeir Valdimar Jón Sveinsson og Skafti Skúlason á Mitubishi Evo 7 en í öðru sæti urðu þeir Baldur Haraldsson og Aðalsteinn Símonarson á Subaru Impreza Sti, einungis sextán sekúndum á eftir. Í þriðja sæti urðu svo þeir Eyjólfur Melsteð og Heimir Snær Jónsson á Cherokee en þeir sigruðu einnig í jeppaflokki.
Næsta umferð íslandsmótsins er áætluð í byrjun júlí. Er það Bifreiðaklúbbur Reykjavíkur sem stendur að henni en áætlað er að aka um Snæfellsnes ef veður og færð leyfa.
Þrátt fyrir að sigur sé ávallt takmark við upphaf keppni eru þeir TímON félagarnir Baldur og Aðalsteinn sáttir með sína frammistöðu en þetta er fjórða sumarið sem þeir aka saman. Tókst þeim að bæta aksturstíma sína á flestum sérleiðun samhliða því að aka af skynsemi og án hættu á að skemma bíl sinn. Þar sem þetta er aðeins fyrsta umferð af fimm er mjög mikilvægt að koma á heilum bíl í endamark, einnig hafa að leiðarljósi að úrslit íslandsmótsins ráðast ekki í fyrstu keppni. Nóg er eftir og verður spennandi að fylgjast með þeim félögum í sumar.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.