Ágæt frammistaða en engin stig til Stólastúlkna
Breiðablik og Tindastóll mættust í dag á Kópavogsvelli í Bestu deild kvenna í knattspyrnu. Blikar unnu góðan sigur í fyrstu umferð á meðan Stólastúlkur máttu sætta sig við svekkjandi tap fyrir FH í leik þar sem þær áttu meira skilið. Eins og reikna mátti með í dag voru heimastúlkur talsvert sterkari í leiknum, fengu mörg færi til að skora en lið Tindastóls fékk sömuleiðis góð færi en fór illa að ráði sínu. Lokatölur urðu 3-0 fyrir Breiðablik og lið Tindastóls því án stiga og marka að loknum tveimur leikjum.
Lið Blika er að sjálfsögðu eitt best spilandi lið landsins og hefur verið spáð góðu gengu í vetur. Stólastúlkur máttu eiga það að þær reyndu að spila upp völlinn en Blikar voru talsvert meira með boltann en vörn Tindastóls gaf fá færi á sér. Fyrsta markið kom eftir 17 mínútur og þar var á ferðinni Vigdís Lilja. Eftir það sem virtist slök hornspyrn datt boltinn dauður við nærstöngina og Vigdís var snögg að átt sig og lyfti boltanum í mark Tindastóls af stuttu færi. Gestirnir reyndu að koma sér inn í leikinn og sköpuðu sér sénsa en næst komst Jordyn því að skora, fékk fína sendingu frá Laufeyju inn á teiginn en Telma varði mjög vel í marki Blika. Áður hafði Jordyn átt tvö máttlítil skot og Birgitta átti fyrirgjöf sem sveif rétt yfir.
Blikarnir sóttu enn stífar í síðari hálfleik og það var líkt og þær óttuðust að Stólastúlkur mundu hegna þeim ef þær bættu ekki við marki. Á 61. mínútu björguðu Stólastúlkur á línu eftir hornspyrnu en eftir þetta færðist aðeins meira líf í sóknir Tindastóls þó áfram væri líklegra að næsta mark yrði Blika. Þær settu boltann í stöngina á 80. mínútu en þremur mínútum síðar kom besta færi leiksins og það var gestanna. Jordyn náði þá að stinga inn fyrir vörn Blika og þar var Hugrún mætt á auðum sjó. Fyrsta snerting var kannski ekki nógu góð og hún fór of nálægt Telmu í markinu sem varði skot Hugrúnar. Blikar unnu boltann og skoruðu hinum megin. Þar var á ferðinni Andrea Rut sem náði að plata Bryndísi og setja boltann óverjandi í markið. Strax í kjölfarið skullu Telma og Jakobína í liði Blika saman og leikurinn var stöðvaður í tíu mínútur. Það reyndist því nægur uppbótartími fyrir Jordyn til að fara illa með frábært færi og Öglu Maríu til að gera þriðja mark Blika.
Úrslitin voru sanngjörn en það voru færi fyrir lið Tindastóls til að stríða heimaliðinu og hefði verið áhugavert að sjá hvað hefði gerst hefði Hugrún náð að jafna þegar rúmar fimm mínútur voru eftir af venjulegum leiktíma. Líkt og í leiknum gegn FH var lið Tindastóls að skapa sér nokkur frábær færi en það er eins og sjálfstraustið vanti fyrir framan markið.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.