Ægir Björn í 3. sæti á The European Championship 2023 í Bretlandi
Dagana 25. og 26. nóvember fór fram The European Championships 2023 í Bretlandi en sex einstaklingar frá Norðurlandi komust inn á mótið og voru þau, að þessu sinni, einu Íslendingarnir sem kepptu í ár en margir af þekktari Crossfitturum landsins hafa tekið þátt í þessari keppni og náð mjög góðum árangri.
Ægir Björn Gunnsteinsson, okkar fremsti Crossfit iðkandi á svæðinu, sem þjálfar í Crossfit stöðinni á Sauðárkróki, fór á mótið ásamt góðu keppnisföruneyti, þeim Birki Erni Kristjánssyni, Viktori Jóhannesi Kristóferssyni, Daða Hlífarssyni, Arnari Bjarka Kristjánssyni og Þórunni Katrínu Björgvinsdóttur. Drengirnir voru allir skráðir til leiks í flokknum RX male og endaði Ægir í 3. sæti af þeim 72 sem skráðir voru til keppni en aðeins 56 kláruðu mótið. Þá endaði Birkir Örn í 7. sæti, Viktor Jóhannes í 23. sæti, Daði í 35. sæti og Arnar Bjarki í 52. sæti. Þórunn Katrín var svo skráð í Intermediate kvennaflokki og endaði í 8. sæti af 31 en aðeins 25 kláruðu keppnina. Glæsilegur árangur hjá þeim öllum.
Feykir hafði samband við Ægi til að óska honum til hamingju með frábæran árangur og spurði hvað tæki nú við eftir þetta mót og sagði hann að núna taki við stutt hvíld, vika eða tvær, og svo byrjar undirbúningur fyrir Open sem er fyrsta stig í ferlinu í að komast á heimsleikana í Crossfit sem haldið er í lok febrúar.
Undirbúningur fyrir svona keppni á sér langan aðdraganda og er ekki nóg að skrá sig heldur þurftu þau að taka þátt í online móti og senda inn skorið sitt. Innan þriggja vikna fengu þau svo upplýsingar um það hvort þau hafi náð inn í keppnina eða ekki. Þetta átti sér allt stað í júní en þegar niðustöðurnar voru komnar í hús þá tók alvaran við og voru þau á stífum æfingum fram að keppni. Hópurinn fékk með sér Haraldur Holgeirsson en hann sá um utan um haldið á hópnum alla helgina þar sem allir nema Ægir og Birkir voru að keppa í fyrsta skipti á þessu móti og því alltaf pláss fyrir góða fræðslu og gott pepp fyrir átökin frá vönum crossfit einstaklingi.
Eins og sjá má á myndinni var hópurinn vel sponsaður af HYBRD en það er íslenskt fyrirtæki og er Birkir Örn Kristjánsson einn af eigendunum. ,,Okkur fannst vanta íþróttavörumerki sem býður upp á allt það besta á sama stað, undir sama merki sérstaklega fyrir Crosstraining. Draumurinn okkar er að styðja vel við bakið á Íslensku íþróttafólki og svara þeirra kröfum í gæðum og búnaði," segir á heimasíðunni þeirra www.hybrd.is
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.