Þú skalt ekki hneykslast!
Herra Hundfúll hefur verið í andlegri krísu síðan Reykjavíkurdætur dilluðu sér og sínum í ljósbláum sjónvarpsþætti Gísla Marteins á dögunum. Eftir að hafa slafrað í sig ýmis misgáfuleg ummæli á samfélagsmiðlum þjóðarinnar ætlaði Herra Hundfúll að hneykslast ærlega hér á Feyki.is en dúkka þá ekki upp bloggpistlar frá umburðarlyndum prestum sem láta svona tíví-perr sem vind um augu þjóta.
Keyrði um þverbak þegar Hildur Eir boðaði Herra Hundfúlum (sem og öðrum þegnum landsins) að það væri með öllu óviðeigandi að hneykslast. Ef Hundfúll skildi prestinn rétt þá væri hneyksl óheilbrigt og strýddi algjörlega gegn öllu því sem Jesú Kristur stóð fyrir. Hneykslun var fyrir honum bara tímaeyðsla og vitleysa en aftur á móti mátti Herra Hundfúll reiðast því reiðin er holl og góð tilfinning (eða í það minnsta sönn) og brennir örugglega fleiri kaloríum en hneykslunin sem skilur að líkindum eftir sig óæskilegar mjólkursýrur í liðamótum að ógleymdu andlegu sleni. Þrátt fyrir nokkra leit hefur Hundfúll ekki rekist á þetta boðorð – þú skalt ekki hneykslast – í nýjustu testamentunum en hann á auðvitað alveg eftir að taka próf í því að lesa á milli línanna.
Eftir nokkra yfirlegu og umhugsun dettur Hundfúlum ekki í hug að ganga gegn boðum og hneykslunarbönnum Hildar sem hittir oftar en ekki nagla beint í hneykslunargjarna þverhausa.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.