Hundfúll er alltaf að græða
Herra Hundfúll fékk hringingu frá 365, kurteisir gaurar á báðum endum. Sölumaðurinn segir Hundfúlum að nú sé Hundfúll búinn að vera með fríáskrift af öllum stöðvum hjá 365 í fjóra mánuði og spyr hvernig honum hafi líkað og Hundfúll segir eitthvað á þá leið að þetta hafi bara verið fínt.
Sölumaðurinn segir Hundfúlum að þar sem hann sé áskrifandi að Sportpakkanum, hvort hann vilji ekki bæta við áskrift að Stóra pakkanum fyrir 4500 krónur aukalega á mánuði. „Ah,“ segir Herra Hundfúll. „Það var ágætt að hafa þessar rásir til að horfa á en ég held ég láti reyna á það hvort mér leiðist án þeirra. Ég hringi þá bara í þig og panta áskrift síðar.“
Hundfúll heyrir að sölumaðurinn er nú pínu svekktur með þetta en hann gefst ekki alveg upp og býður Hundfúlum nú kostaboð. Hann segir: „Ég sé að þú ert að borga 14900 á mánuði fyrir Sportpakkann og þú ert búinn að vera áskrifandi árum saman. Ef þú festir Sportpakkann í 12 mánuði þá lækkar verðið í 11900 á mánuði. Þú borgar þá 36000 krónum minna á ári!“ Þetta er nú sæmilegasta lækkun hugsar Hundfúll með sér og segir: „Heyrðu, þetta er nú svo fínt tilboð að ég held bara að ég bæti þá þessum 4500 krónum við sem þú varst að bjóða mér áðan.“ Áskriftin hjá Hundfúlum hækkar jú um 1500 krónur á mánuði, hann fær meira fyrir sinn snúð og 365 líka – allir vinna! „Uuu, ég veit ekki hvort það er hægt,“ segir kappinn. „Heyrðu, leyfðu mér að hringja í þig aftur eftir fimm mínútur,“ segir hann svo. „Ókei,“ segir Hundfúll hissa og þeir kveðjast í bili.
Sölumaðurinn hringir aftur eftir smá stund og segir Hundfúlum að hann sé búinn að tala við sölustjórann og markaðsstjórann og það þurfi að skoða þetta aðeins og það eigi eftir að reikna út verðið á Stöð2. Hvort það sé ekki í lagi að hann hafi bara samband út af þessu þegar allt er orðið klárt. „Jú, það er bara fínt,“ segi Herra Hundfúll. Síðan festi hann verðið á Sportpakkanum og Hundfúll „græddi“ 36000 krónur á samtalinu.
Já. Það er margt skrítið í kýrhausnum.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.