Heimsbyggðin fær óvæntan kinnhest
Herra Hundfúll er, eins og flestir Íslendingar, sjokkeraður í kjölfar úrslitanna í forsetakosningum í USA. Í lýðræðislegum kosningum var Donald Trump valinn forsetaefni Repúblikana og nú var hann kjörinn forseti eftir óvæntan sigur á frekar óspennandi og þreytulegum frambjóðanda Demókrata, Hillary Clinton. Þrátt fyrir galla hennar virtist hún engu að síður svo miklu hæfari en Trump, sem virðist gjörsneyddur flestum þeim mannkostum sem fólk almennt tengir við starf valdamesta þjóðhöfðingja heims.
En einhverra hluta vegna voru fleiri Bandaríkjamenn sem kusu Trump en Clinton og það þarf enginn að reyna segja Herra Hundfúlum að allir hafi þeir verið fífl eða hálfvitar. Heill hellingur af vel meinandi og góðu fólki hefur kosið hann í von um betri tíð og öflugri Ameríku. Sorglegt, og í raun grafalvarlegt, er þó að sjá þetta fólk horfa framhjá rasismanum, kvenfyrirlitningunni og svikseminni sem hefur einkennt þann aðila sem það hefur kosið að velja sér sem þjóðhöfðingja.
Niðurstaða kosninganna hlýtur þá óneitanlega að vera áfellisdómur yfir stjórnartíð Barack Obama (sem við Evrópubúar dýrkum og dáum) sem skilur þannig við að fólk vill frekar Trump en Clinton. Og úrslitin hljóta að vera óskiljanleg fyrir Hillary Clinton.
Ef við Íslendingar hefðum kosið forseta Bandaríkjanna hefði Hillary sennilega fengið á milli 80–90% atkvæða. Sem segir okkur kannski að við hreinlega skiljum ekki bandarísku þjóðarsálina og ástand mála í USA. Sú mynd sem við fáum í fjölmiðlum af reiðum poppurum, leikurum og menntafólki sem hneykslast á Donald Trump og því sem hann stendur fyrir, er augljóslega bjöguð. Þetta fólk er ekki þverskurður bandarísku þjóðarinnar þó svo að við vildum gjarnan trúa því.
Herra Hundfúll verður nú, líkt og aðrir áhyggjufullir íbúar á plánetunni jörð, að krossleggja fingur og vona að meira sé spunnið í Trump en vænta má út frá framgöngu hans í kosningabaráttunni vestan hafs og að með batnandi englum sé best að lifa.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.