Gamla Cocoa Puffsið aftur í hillurnar
Herra Hundfúll er búinn að vera fúll lengi og varla getað komið frá sér fúlu orði sökum fýlu. Það er svo sem ýmislegt sem verður fýlunni til fjörs og næringar. Þannig mætti fótboltagengið á Arsenal vera hærra en hann getur þó enn prísað sig sælann að halda ekki með Liverpool. En nú getur Hundfúll tekið einhvern hluta af gleði sinni aftur því eftir nokkurra mánuða reglugerðarrugl virðist ekki hafa verið nokkur almennileg ástæða til að banna innflutning á gómsætu Cocoa Puffsi frá Ameríku og því gamla góða CP-ið á leið í verslanir að nýju. Svo virðist sem Cocoa Puffs-börn á öllum aldri hafa rembst við að skófla ofan í sig bragðvondu Cocoa Puffsi frá Evrópu vegna misskilnings og rembings sem ekki átti sér stoð í raunheimum. - Það eina sem Herra Hundfúll hefur nú áhyggjur af er að gamla Cocoa Puffsið sé komið fram yfir síðasta söludag.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.