Árið 2016 var alveg klikk og bang!
Herra Hundfúll setti saman örlítið uppgjör við árið 2016 sem var aldrei leiðinlegt þó það hafi verið klikk og á stundum alveg snarklikk. Eiginlega alveg klikk og bang!
Rangur maður ársins: Hefur einhver annar verið jafn augljóslega rangur maður, á röngum tíma, í vitlausu húsi, eins og Sigmundur Davíð þegar hann gekk í Kastljós-gildruna (eða þannig) í vor? Hann er ekki enn dottinn úr þessum karakter – sem er aðdáunarvert en svolítið slæmt fyrir hann sjálfan.
Bakari ársins: Bjarni Ben. Ekki bara laginn við kökuskreytingar heldur er útlit fyrir að hann nái að galdra fram nýja ríkisstjórn.
Ég er kominn heim ársins: Israel Martin, þjálfari Tindastóls í körfunni, er (vel) kominn heim í Skagafjörðinn.
Hryllingur ársins: Ég er kominn heim. Þetta lag er fyrir löngu komið á grænu-bólu-stigið.
Skemmtilegustu vonbrigði ársins: Þegar Jón Viðar fór á Óþelló í Þjóðleikhúsinu.
Lag ársins: Dönsum eins og hálfvitar með Friðriki Dór er fínt og ferskt popp. Eru ekki líka allir búnir að fá upp í kok af rappi og reggíi eftir árið 2016?
Sjálfshól ársins: 50 ára afmæli Sjónvarpsins var ekki alltaf leiðinlegt en það var allt of mikið af því góða og slæma.
Túristar ársins: Kim Kardashian og Kanye West. Hann var síðar fluttur á sjúkrahús í andlegu áfalli. Kannski séð kreditkortareikninginn eftir ferðina?
Yfirtrompari ársins: Dónald Trump. Trompaði allt og alla með bulli og rugli og endaði sem valdamesti maður í heimi.
Lýðheilsugöngur ársins: Biðraðirnar á kleinuhringjastaði höfuðborgarinnar. Kannski einu göngurnar sem hreyfðu eitthvað við mörgum þeirra sem þátt tóku.
Ógnvaldur íslenskrar náttúru ársins: Justin Bieber, mosagöngumaður og mæmari.
Predikari ársins: Hvernig tókst Gumma Ben, fótboltalúða frá Akureyri, að segja alltaf réttu hlutina, og samt svo miklu meira, í einni mestu og lengstu geðshræringu Íslandssögunnar. Á meðan aðrir lýsendur öskruðu þá náði Gummi (sem allir sjá og heyra að elskar fótbolta meira en allt annað) að öskra og segja það sem allir vildu sagt hafa en engum öðrum datt í hug að segja. „Aldrei, aldrei vekja mig af þessum draumi!“ Þetta er enn 100% gæsahúð og það er örugglega enn fólk sem tárast þegar þessi lýsing er spiluð.
Púkó ársins: Nóa konfekt – þó það sé best.
Fleiri fréttir
-
Fyrirlestur um fornleifarannsóknir í Hjaltadal
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 04.12.2024 kl. 11.30Laugardaginn 7. desember kl. 14:00 verður haldinn fyrirlestur í aðalbyggingu Háskólans á Hólum um frumniðurstöður fornleifarannsóknar sem farið hefur fram í Hjaltadal undanfarin fjögur sumur.Meira -
Skagfirðingur tekur við stöðu bæjarstjóra á Ísafirði
feykir.is Skagafjörður, Mannlíf, Lokað efni 04.12.2024 kl. 10.35Í alþingiskosningunum um liðna helgi kusu Norðvestlendingar bæjarstjórann á Ísafirði á þing. Ísfirðingar voru fljótir til og skipuðu Skagfirðing í embættið í stað Örnu Láru Jónsdóttur, oddvita Samfylkingarinnar. Það er Sigríður Júlía Brynleifsdóttir frá Dalsmynni í Hjaltadal sem verður næsti bæjarstjóri Ísafjarðarbæjar.Meira -
Góð mæting á Kirkjutorgið þó veðrið hafi ekki spilað með
feykir.is Skagafjörður, Mannlíf, Lokað efni 04.12.2024 kl. 08.51Veðrið var kannski ekki í jólaskapi á laugardaginn þegar ljós voru tendruð á jólatré Króksara á Kirkjutorginu. En það var í það minnsta hvít jörð sem er jú alltaf jólalegra og bjartara. Sagt er frá því í frétt á vef Skagafjarðar að íbúar hafi ekki látið kuldann og vindinn á sig fá og var vel mætt – margir örugglega fullir af fjöri og krafti eftir að hafa skóflað í sig gómsætu á fjölmennu jólahlaðborði Rótarýklúbbsins.Meira -
Rosaleg endurkoma Stólastúlkna í lokafjórðungnum gegn toppliðinu
feykir.is Skagafjörður, Íþróttir, Lokað efni 03.12.2024 kl. 23.17Stólastúlkur mættu toppliði Hauka í Bónus deildinni í kvöld í kostulega sveiflukenndum leik. Gestirnir voru ellefu stigum yfir fyrir lokafjórðunginn og höfðu spilað vel í öðrum og þriðja leikhluta og gjörsamlega slegið heimastúlkur út af laginu en þær höfðu átt glimrandi leik í fyrsta leikhluta. En Stólastúlkur gáfust ekki upp, snéru leiknum sér í hag og komust yfir með þristi frá Brynju Líf þegar þrjár og hálf mínúta var eftir og þá var orkan okkar megin. Lokatölur 90-86 og sannarlega frábær sigur í höfn.Meira -
Húnaþing vestra bætir í árlegan styrk til Elds í Húnaþingi
feykir.is Vestur-Húnavatnssýsla, Listir og menning, Lokað efni 03.12.2024 kl. 15.06Á dögunum var undirritaður nýr styrktarsamningur Húnaþings vestra og hátíðarinnar Eldur í Húnaþingi sem haldin er í lok júlí ár hvert. Fram kemur í frétt á heimasíðu Húnaþings vestra að nýi samningurinn sé til fimm ára og er sveitarfélagið með honum að auka stuðning við hátíðina verulega, bæði hvað varðar bein fjárframlög sem og með gjaldfrjálsum afnotum af Félagsheimilinu Hvammstanga og húsnæði stofnana sveitarfélagsins.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.