Yfir 60 iðkendur á Símamótinu frá Norðurlandi vestra
Um þessa helgi fer fram risa knattspyrnumót fyrir 5., 6. og 7. flokk kvenna í Kópavogi undir yfirskriftinni Símamótið og er þetta í 40. skiptið sem það er haldið. Tindastóll og Hvöt/Fram sendu að sjálfsögðu nokkur lið til leiks og má áætla að það séu yfir 60 iðkendur frá Norðurlandi vestra á svæðinu.
Hvöt/Fram sendi frá sér þrjú lið, eitt í 5. flokki og tvö í 6. flokki. Tindastóll sendi frá sér níu lið, tvö lið í 5. flokki, fjögur lið í 6. flokki og þrjú lið í 7. flokki. Mótið var sett í gær með skrúðgöngu en leikirnir hófust á slaginu átta í morgun og er spilað til kl. 16 í dag. Þá er öllum stelpunum boðið á landsleikinn hjá kvennaliði Íslands á Laugardalsvelli sem hefst kl. 16:15.
Þegar þetta er ritað þá eru liðin að norðan að klára sína leiki og niðurstöður bæði jákvæðar og neikvæðar og mikið gengið á eins og alltaf. Alltaf er jafn gaman að fylgjast með stelpunum því öll svona mót eru lærdómsrík og oft má sjá miklar framfarir bæði hjá einstaklingum og liðunum í heild. Eftir daginn í dag raðast svo niður, eftir því hvernig gekk, í milliriðla og byrja leikar strax kl. 8 í fyrramálið.
Undirrituð þekkir að sjálfsögðu eitthvað smá til þessa móts því þegar ég var ung og lipur þá var farið á þau nokkur. Það var reyndar kallað Gull og silfurmótið á þeim tíma og var besti árangurinn okkar 4. sætið. Við lentum í hlutkesti um 3. sætið eftir margar framlengingar sem ég mun seint gleyma því ég valdi fiskinn en upp kom skjöldurinn og verðlaunapallurinn því ekki staðreynd. Það var því grenjað í langan tíma og þetta var mjög erfitt fyrir litlu sálina… fengum í sárabætur háttvísiverðlaun mótsins, ef ég man rétt, en mótin voru alltaf jafn skemmtileg.
Áfram Tindastóll og Hvöt/Fram
Fleiri fréttir
-
Opin golfkennsla á Hlíðarendavelli nk. sunnudag - komdu og prófaðu!
feykir.is Skagafjörður, Austur-Húnavatnssýsla, Vestur-Húnavatnssýsla 08.08.2024 kl. 08.53Næstkomandi sunnudag, 11. ágúst, verður opin golfkennsla á Hlíðarendavelli á Sauðárkróki frá kl 12:00-14:00. PGA golfkennaranemar frá Norðurlandi munu sjá um kennsluna og verður í boði bæði púttkennsla á æfingagríni og sveiflukennslu á æfingasvæðinu.Meira -
Monica í markagili
feykir.is Skagafjörður, Íþróttir, Mannlíf 07.08.2024 kl. 15.33Það mætti nýr markvörður til leiks hjá liði Tindastóls síðastliðið sumar til að verja mark Stólastúlkna í Bestu deildinni. Það var Monica Wilhelm, bandarísk stúlka, þá 23 ára, sem hafði það verkefni að fylla í skarðið sem Amber Michel skildi eftir en hún ákvað að taka slaginn í Disneylandi eftir þrjú skemmtileg sumur á Íslandi. Monica reyndist öflugur markvörður og sló í gegn í Bestu deildinni og hún þurfti ekki að hugsa sig tvisvar um þegar henni bauðst að endurtaka leikinn í ár. Feykir forvitnaðist um markvörðinn.Meira -
Húnaþing vestra áformar að ljósleiðaravæða þéttbýli sveitarfélagsins
feykir.is Skagafjörður, Austur-Húnavatnssýsla, Vestur-Húnavatnssýsla 07.08.2024 kl. 10.12Á heimasíðu Húnaþings vestra segir að sveitarfélagið áformi að taka tilboði háskóla-, iðnaðar og nýsköpunarráðuneytis um að ljósleiðaravæða þau heimili í þéttbýli sveitarfélagsins sem eru ekki nú þegar komin með ljósleiðaratengingu. Sjá nánar hér. En áður en framkvæmdir hefjast á grundvelli styrks frá sjóðnum þá þarf sveitarfélagið að kanna eftirfarandi atriði:Meira -
Margir leikmenn tóku miklum framförum hjá Dr. Milan
feykir.is Skagafjörður, Íþróttir 07.08.2024 kl. 08.02Milan Rozanek, fyrrverandi þjálfari körfuknattleiksliðs Tindastóls, var á fimmtudaginn tekinn inn í heiðurshöll körfuboltans í Slóvakíu fyrir ævistarf sitt í þágu íþróttarinnar í landinu. Morgunblaðið segir frá því að Milan, sem er nú 83 ára gamall, hafi þjálfað karlalið Tindastóls veturinn 1990-1991. Það tímabil var Tindastóll með Pétur Guðmundsson, eina NBA-leikmann Íslands á þeim árum, í sínum röðum og auk þess leikmenn á borð við Val Ingimundarson, Sverri Sverrisson og Karl Jónsson.Meira -
Stólarnir komnir í undanúrslit Fótbolta.net bikarsins
feykir.is Skagafjörður, Íþróttir 06.08.2024 kl. 23.37Fótbolti.net bikarinn hélt áfram í kvöld en lið Tindastóls, sem er í öðru sæti 4. deildar tók á móti liði Kára í átta liða úrslitum en þeir Skagamenn eru aftur á móti toppliðið í 3. deildinni. Það mátti því reikna með hörkuleik og sú varð niðurstaðan því mikill hiti var í mönnum. Jafnt var að leik loknum, því þurfti að framlengja og þegar langt var liðið á framlenginguna dúkkaði Addi Ólafs upp með sigurmarkið. Stólarnir eru því komnir í undanúrslit Fótbolta.net bikarsins og mæta þar annað hvort Selfyssingum hans Bjarna, KFA eða Árbæ.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.