Verslun KS Hofsósi opnuð - Myndir
Í morgun klukkan tíu var opnuð að nýju verslun KS í húsnæði Kaupfélagsins að Suðurbraut á Hofsósi, eftir gagngerar endurbætur. Eldur kom upp í versluninni þann 20. maí 2011 og nokkrum dögum síðar var henni fundin bráðabirgðaaðstaða í húsnæði Björgunarsveitarinnar Grettis, þar sem hún hefur verið síðan. Í dag, rétt rúmum tveimur árum síðar, er komin vel búin verslun í upprunalegu húsnæði. Opið verður virka daga frá 10-22, laugardaga frá 11-21 og sunnudaga frá 12-21.
Að sögn Ólafs Sigmarssonar, framkvæmdastjóra verslunarsviðs hjá KS, reyndist allt innvols verslunarinnar ónýtt eftir brunann á sínum tíma og var því allt endurnýjað sem innanstokks var. Húsið hefur einnig verið tekið í gegn að utan.
Þegar blaðamaður renndi í hlað, fáeinum mínútum eftir opnunina, var þegar kominn fjöldi viðskiptavina sem lýstu yfir ánægju sinni með hina endurbættu verslun og aukið vöruúrval. Starfsfólk hafði í nógu að snúast og var í óða önn að fylla á hillur og verðmerkja vörur og koma öllu haganlega fyrir.
Eins og sagt var á frá á Feyki.is á dögunum var í lok maí ráðinn nýr útibússtjóri við verslunina og er það Árni Bjarkason sem stýrir henni nú. Sagði hann allt hafa tekist í tæka tíð fyrir opnun, undirbúningi hennar hefði lokið skömmu fyrir miðnætti í gær en síðustu vinnudagar hefðu vissulega verið langir. Sjálfur var hann mættur í verslunina um hálfsjö í morgun. Tæknimál virtust farin að rúlla á réttan hátt, nema hvað afgreiðslukerfi veitingarsölunnar var ekki komið í lag og voru tæknimenn á staðnum að vinna að lausn málsins. Árni sagðist eiga von á góðri helgi, enda Jónsmessuhátíð í Hofsósi, sem er fjölmennasta ferðamannahelgi ársins í þorpinu. Var brottflutta Hofsósinga og aðra gesti þegar farið að drífa að.
Hin nýja verslun er glæsleg í alla staði, og eins og kaupfélögum á landsbyggðinni er lagið fæst þar flest sem hugurinn girnist. Verslunarhúsnæðið sem slíkt er jafn stórt og áður var og nú er komin veitingasala í syðri hluta hússins, þar sem var sjoppa var áður fyrr, en hún hafði verið aflögð löngu fyrir brunann, en þá voru verslunin og sjoppan aðskilin. Stigi milli hæða var fjarlægður og starfsmannaaðstöðu breytt. Ekki er lengur innangengt milli hæða, en að sögn Ólafs hefur ekki verið tekin ákvörðun um hvernig efri hæðinni verður ráðstafað.
Á sínum tíma var eldurinn rakinn til frystiskáps en hann slokknaði af sjálfsdáðum, af súrefnisskorti, að því er talið er. Starfsmaður á leið til vinnu að morgni fann brunalykt, lokaði aftur og kallaði samstundis út slökkvilið. Er talið að hárétt viðbrögð á sínum tíma hafi komið í veg fyrir enn frekari skemmdir.
.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.