Valskonur reyndust Stólastúlkum sterkari
Stólastúlkur fengu lið Vals í heimsókn í gær í Bónus deildinni. Lið Tindastóls hafði unnið síðustu tvo leiki með góðum varnarleik en í gær gekk illa að ráða við vaskar Valsstúlkur sem höfðu yfirhöndina nánast allan leikinn. Engu að síður var leikurinn í járnum allt fram að lokafjórðungnum þegar gestirnir náðu strax ríflega tíu stiga forystu og bættu síðan bara í. Lokatölur 65-86 fyrir Val.
Fyrsti leikhluti var jafn og spennandi og liðin skiptust á um að hafa forystuna. Eftir um fimm mínútna leik var staðan 8-9 en síðasta orðið í fjórðungnum átti Ewa Falenczyk, kom liði Tindastóls yfir með þristi og staðan 17-15. Það tók heimastúlkur tæpar fjórar mínútur að komast á blað í öðrum leikhluta en þá hafði lið Vals náð 10-0 kafla. Upp úr miðjum leikhlutanum náðu Valsstúlkur níu stiga forystu en heimaliðið gafst ekki upp og minnkaði muninn í þrjú stig en staðan í hálfleik var 33-37.
Leikurinn var áfram spennandi í þriðja leikhluta og um hann miðjan kom Oumoul Sarr liði Tindastóls yfir, 44-42, en gestirnir náðu yfirhöndinni á ný þó litlu munaði á liðunum. Þegar mínúta var eftir af þriðja var staðan 52-56 en þristur frá Þórdísi Jónu í liði Vals jók muninn í sjö stig. Valur gerði síðan fyrstu fimm stig fjórða leikhluta og þá var brekkan orðin full brött fyrir heimastúlkur og gestirnir gengu á lagið.
Randi Brown var stigahæst í liði Tindastóls með 22 stig en hún fann ekki fjölina í 3ja stiga skotunum í gær, setti eitt í átta skotum. Sarr var með 20 stig en henni voru á stundum mislagðar hendur, var búin að koma sér í góða stöðu undir körfu Vals en náði ekki að koma boltanum í körfuna. Ewa var með 12 stig en það má segja að lið Tindastóls hafi ekki verið í stuði í stigaskorinu sem má eflaust kenna góðum varnarleik Vals um.
Eins og við værum 40 stigum undir frá fyrstu mínútu
„Við hófum leikinn mjög vel, unnum fyrsta fjórðunginn og fram í miðjan þriðja leikhluta, jafnvel þó við værum að klikka á einföldum lay-öppum, þá vorum við inni í leiknum. Síðustu 15 mínútur leiksins setti Valur meiri kraft í leikinn en við,“ sagði Israel Martín, þjálfari Tindastóls, þegar Feykir spurði hvað honum hefði fundist um leikinn.
Hvað gerði lið Vals vel? „Það varði teiginn [the paint] sinn mjög vel sem neyddi okkur til að taka skotin utan þriggja stiga línunnar en við vorum ekki að setja skotin. Í raun var skotnýtingin okkar slök allan leikinn.“
Hvað var það helst sem vantaði upp á hjá liði Tindastóls? „Betri andlegur undirbúningur og að spila af meiri gleði. Við vorum inni í leiknum í 25 til 30 mínútur en virtumst vera að tapa leiknum með 40 stigum frá fyrstu mínútu. Við lærum bara af þessu og höldum áfram. Við getum aðeins orðið betri,“ segir Israel Martín að lokum.
Næsti leikur Stólastúlkna er gegn liði Þórs á Akureyri 30. október.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.