Valin í Pressuliðið og Landsliðið í Vestmannaeyjum :: Íþróttagarpurinn Vala Björk Jónsdóttir
Lúðvík Gunnarsson, landsliðsþjálfari U15 kvenna í fótbolta, valdi hóp fyrir úrtaksæfingar sem fram fór dagana 27. - 29. janúar nk. í Skessunni í Kaplakrika. Í þeim hópi var Vala Björk Jónsdóttir frá Hvammstanga sem nú býr í Hafnarfirði og æfir með Haukum. Vala Björk er dóttir Jóns Óskars Péturssonar og Ólafíu Ingólfsdóttur og er Íþróttagarpur Feykis þessa vikuna.
Árgangur: -2005.
Hvar ólstu upp? -Á Hvammstanga.
Íþróttagrein: -Fótbolti og Handbolti.
Íþróttafélag/félög: -Ég byrjaði að æfa með Kormáki á Hvammstanga, æfði einn vetur með NB í Álaborg en er núna að spila með Haukum.
Helstu íþróttaafrek: -Ég var valin Pressuliðið og Landsliðið í Vestmannaeyjum bæði í handbolta og fótbolta.
Skemmtilegasta augnablikið: -Að vera valin á æfingar með U15.
Neyðarlegasta atvikið: -Þegar ég datt um reimarnar á skónum mínum í leik og landsliðsþjálfarinn var að horfa á.
Einhver sérviska eða hjátrú? -Nei, engin.
Uppáhalds íþróttamaður? -Sara Björk og Alisson Becker.
Ef þú mættir velja þér andstæðing, hver myndi það vera og í hvaða grein mynduð þið spreyta ykkur? -Mig langar að prófa að keppa á móti Söru Björk.
Hvernig myndir þú lýsa þeirri rimmu? -Að Sara taki skot og ég verji það.
Helsta afrek fyrir utan íþróttirnar? -Að þora að taka þátt í Söngvarakeppni Grunnskóla Húnaþings vestra.
Lífsmottó: -Að halda alltaf áfram og hafa alltaf trú á því sem ég er að gera.
Helsta fyrirmynd í lífinu: -Sara Björk af því að mér finnst hún svo einbeitt í öllu sem hún gerir og er bara geggjuð.
Hvað er verið að gera þessa dagana? -Er bara á æfingum og svo aðstoða ég með 7. flokk kvenna í Haukunum.
Hvað er framundan? -Fara á Úrtaksæfingarnar.
Áður birst í 3. tbl. Feykis 2020.
Fleiri fréttir
-
Gleðilegt nýtt ár !
feykir.is Skagafjörður, Austur-Húnavatnssýsla, Vestur-Húnavatnssýsla 31.12.2024 kl. 23.59Feykir óskar lesendum og landsmönnum öllum gleðilegs nýs árs og þakkar fyrir árið sem er liðið í aldanna skaut og aldrei það kemur til baka, svo ég vitni í sálminn hans séra Valdimars Briem sem ómar í viðtækjum landsmanna þegar árið líður undir lok.Meira -
Jólin mín | Heiða Jonna Friðfinnsdóttir
feykir.is Skagafjörður, Lokað efni 31.12.2024 kl. 13.00Heiða Jonna Friðfinnsdóttir, gift Ægi Erni Ægissyni, eiga tvö börn, Frosta Frey 6 ára og Ásbjörgu Eddu eins og hálfs árs. Heiða kennir leiklist í FNV og er í Meistaranámi í Háskóla Íslands til þess að næla sér í kennsluréttindi. Heiða er uppalin á Siglufirði en er búsett á Sauðárkróki sem stendur.Meira -
Tilbreyting, samvera og hamingja þau þrjú orð sem lýsa árinu best
feykir.is Skagafjörður, Lokað efni 31.12.2024 kl. 09.00Við hjá Feyki höfum undanfarin ár fengið fólk úr fjórðungnum til að gera upp árið sitt með okkur. Nú er það Selma Barðdal sem gerir upp árið með lesendum. Hún er fædd og uppalin hér á Sauðárkróki. Gift Róberti Óttarssyni og eiga þau fjögur börn, tvö sem búa enn heima, eitt sem býr í Danmörku að læra arkitektúr og annað á Akureyri að spila körfubolta.Meira -
Jólin mín | Guðrún Ólafsdóttir
feykir.is Skagafjörður, Lokað efni 30.12.2024 kl. 13.04Guðrún Ólafsdóttir býr á Krithóli 2 í fyrrum Lýdó og er gift Sigþóri Smára Sigurðssyni. Þau eiga tvær dætur, þær Rebekku Ósk og Snæbjörtu Ýri. Guðrún vinnur hjá stuðnings- og stoðþjónustu Skagafjarðar.Meira -
Byrjaði í orgelnámi síðasta haust
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.12.2024 kl. 13.00Friðrik Þór Jónsson í Skriðu í Blönduhlíð gerir upp árið með okkur hjá Feykir. Friðrik býr með Sigríði Skarphéðinsdóttur og eiga þau dæturnar Silju Rún og Sunnu Sif.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.