Upp, upp og áfram og allir glaðir
Þá er komið að Sigurði Inga Einarssyni (Sigga Kúsk) sem býr ásamt konu sinni Brynju Hödd Ágústsdóttur og dætrum þeirra tveim, Diljá Daney og Sölku Máney. Þau búa á Kúskerpi fyrrum Akrahrepp í Skagafirði. Siggi er menntaður búfræðingur frá Hvanneyri. Á Kúskerpi er mjólkur- og kjötbúskapur, tveir mjaltaþjónar og smá glutra af sauðkind og hrossum og svo almenn landbúnaðarverktaka.
Hvernig gengur í sveitinni? „Lífið gengur svo sem sinn vanagang mikið að gera í verktökunni á þessum tíma. Það hefði nú ekki skemmt fyrir ef að frost hefði farið svona mánuði fyrr úr jörðu í vor og svo hefði verið gaman að fá aðeins fleiri þurra daga í röð þetta sumar svona upp á blessaðan heyskapinn. En ann-ars er allt dásamlegt,“ segir Siggi. Spurður út í fram-kvæmdir og breytingar þá var nýjasta framkvæmdin þegar þau ruku í að reisa 14×60 metra útistæðu fyrir hey með forsteyptum einingum og malbiki í botninn og þau eru búin að taka 60 heyhleðsluvagna í hana og stefnum svo á að bæta ofan á hana seinni slætti.
Var fyrri sláttur seinna í ár en fyrri ár? „Já, mun seinna og þó nokkuð minni uppskera en við treystum á góðan seinni slátt og gott grænfóður.“
Eruð þið bjartsýn á framhaldið? „Já, það er ekkert annað hægt, það er bara upp, upp og áfram og allir glaðir,“ segir Kúskurinn að lokum.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.