Undirbýr hestana fyrir næsta keppnistímabil :: Íþróttagarpurinn Guðmar Hólm Ísólfsson Líndal
Í byrjun desember var kunngjört hvaða ungmenni voru valin í U21-landsliðshóp Landssambands Hestamann fyrir árið 2022. Tvö af þeim sextán sem þóttu verðskulda veru í þeim hópi búa á Norðurlandi vestra, Guðmar Hólm Ísólfsson Líndal, úr Hestamannafélaginu Þyt í Húnaþingi vestra, og Þórgunnur Þórarinsdóttir, Skagfirðingi.
Guðmar Líndal er fæddur árið 2006, býr á Lækjamóti 2 með foreldrum sínum, Ísólfi Líndal Þórissyni og Vigdís Gunnarsdóttir. Hann á ekki langt að sækja hestaáhugann þar sem lífið snýst um hross og allar hliðar hestamennskunnar á Lækjamóti þar sem hann hefur að mestu alist upp en einnig bjó hann um tíma á Hólum í Hjaltadal. Guðmar er íþróttagarpur Feykis að þessu sinni.
Hvernig er tilfinningin að hafa verið valin í U21-landsliðshóp LH 2022? -Tilfinningin er ólýsanleg, ég hef viljað komst í landsliðið fyrir Íslands hönd síðan pabbi minn fór með landsliðinu á Norðurlandamót í Noregi árið 2016.
Segðu mér frá keppnum sumarsins og hvernig hafa þær gengið hjá þér? -Stærstu mót sumarsins voru Fjórðungsmót Vesturlands og Íslandsmót. Það gekk vel, sumt gekk betur en ég bjóst við en annað gekk ekki alveg upp.
Íþróttafélag: -Hestamannafélagið Þytur.
Helstu íþróttaafrek: Þrefaldur Íslandsmeistari í hestaíþróttum árið 2018 og einnig 2019. Ég hef tvisvar sinnum unnið Fjórðungsmót, árin 2017 í barnaflokki og árið 2021 í unglingaflokki, og ég sigraði einnig í tölti á Fjórðungsmóti 2021.
Skemmtilegasta augnablikið: -Að vinna Fjórðungsmót í unglingaflokki 2021.
Neyðarlegasta atvikið: -Ég reyni að hafa ekki áhyggjur af þannig málum.
Einhver sérviska eða hjátrú? -Ég verð alltaf að pissa áður en ég keppi.
Uppáhalds íþróttamaður? -Allir sem koma heiðarlega fram inni á vellinum sem og utan hans.
Ef þú mættir velja þér andstæðing, hver myndi það vera og í hvaða grein mynduð þið spreyta ykkur? -Ísak bróðir minn væri andstæðingurinn, ég myndi keppa á móti honum í frisbígolfi.
Hvernig myndir þú lýsa þeirri rimmu? -Við verðum báðir brjálaðir í keppnisskapi og myndum hætta.
Helsta afrek fyrir utan íþróttirnar? -Ég fór í fyrstu fimm daga göngur á hesti upp á miðhálendi Íslands í haust.
Lífsmottó: -Stefndu hátt en lifðu samt í núinu.
Helsta fyrirmynd í lífinu: -Pabbi og mamma, vegna þess að þau gera allt til þess að mér líði vel og gangi vel í lífinu.
Hvað er verið að gera þessa dagana? -Undirbúa mig og hestana fyrir næsta keppnistímabil sem byrjar í febrúar.
Hvað er framundan? -Meistaradeild Æskunnar í hestaíþróttum.
Eitthvað sem þú vilt koma á framfæri? Followoið mig (gudmarisolfsson) og Sindrastaði á samfélagsmiðlum.
Áður birst í 48. tbl. Feykis 2021
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.