Una Karen í 2. sæti á Íslandsmóti unglinga í höggleik
Um sl. helgi fór fram Íslandsmót unglinga í höggleik og var leikið á Nesvelli hjá Golfklúbbnum Ness á Seltjarnarnesi fyrir keppendur 14 ára og yngri og fyrir keppendur 15-18 ára var keppt á Hlíðavelli hjá Golfklúbbi Mosfellsbæjar. Golfklúbbur Skagafjarðar átti nokkra flotta fulltrúa á báðum völlum en það sem stóð upp úr eftir helgina var að Una Karen Guðmundsdóttir gerði sér lítið fyrir og varð í 2. sæti í sínum flokki, frábær árangur.
Aðrir fulltrúar voru félaginu einnig til sóma en þeir Brynjar Morgan Brynjarsson og Sigurbjörn Darri Pétursson kepptu í flokki 12 ára og yngri drengja. Þar spiluðu þeir 9 holur þrjá daga í röð og endaði Brynjar Morgan í 5.-7. sæti með 135 högg og Sigurbjörn Darri í 21.-23. sæti með 150 högg.
Í flokki 13-14 ára stúlkna var það Gígja Rós Bjarnadóttir sem spilaði fyrir hönd GSS en hún endaði í 7. sæti af 14 keppendum með 289 högg eftir að hafa spilað 18 holur þrjá daga í röð. Þessir krakkar eiga mikið hrós skilið fyrir frammistöðu sína á þessu móti því þó Króksarar séu vanir roki þá voru aðstæður á Nesvelli þessa helgina vægast sagt slæmar því mikill vindur og kuldi var alla keppnisdagana.
Í flokki 15-16 ára stúlkna keppti Dagbjört Sísí Einarsdóttir og í hópi 17-18 ára drengja var það Tómas Bjarki Guðmundsson sem voru fulltrúar GSS á Hlíðavelli í Mosó. Þá var Una Karen Guðmundsdóttir einnig á ferðinni en hún keppti í þetta skipti fyrir hönd GKG í flokki 17-18 ára stúlkna en hún er og verður alltaf hluti af GSS þó svo að hún keppi ekki undir GSS merkinu. Una hefur lagt mikinn metnað í æfingar sl. vetur þar sem hún flutti suður fyrir ári síðan og er að uppskera flottan árangur fyrir vikið. Dagbjört Sísí, Tómas Bjarki og Una Karen spiluðu einnig 18 holur þrjá daga í röð og endaði Dagbjört Sísí í 10.-11. sæti með 249 högg. Tómas Bjarki endaði í 20. sæti með 252 högg og Una Karen var með 229 högg sem skilaði henni 2. sætinu í sínum flokki.
Feykir óskar krökkunum til hamingju með frábæran árangur.
Áfram GSS
Gígja ásamt móður sinni - Brynjar Morgan að fylgjast með boltanum eftir upphafshögg
Sigurbjörn að fylgjast með meðspilara taka pútt - Dagbjört Sísi í miðjunni með meðspilurum úr einu af hollum helgarinnar
Una Karen með verðlaunahöfum í sínum flokki - Tómas Bjarki t.v. með meðspilurum úr einu af hollum helgarinnar
Fleiri fréttir
-
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.