Umhverfisverðlaun Skagafjarðar 2020 afhent
Meðlimir úr Soroptimistaklúbbi Skagafjarðar afhentu á dögunum umhverfisverðlaun Skagafjarðar, 16. árið í röð, en komin er hefð fyrir því að farið sé í skoðunarferðir um Skagafjörð á sumrin til að meta bæi, hverfi og svæði í firðinum fyrir umhverfisverðlaunin, sem er samvinnuverkefni klúbbsins og Sveitarfélagsins Skagafjarðar.
Á heimasíðu sveitarfélagsins er sagt frá veitingu viðurkenninganna og kemur fram að að mati loknu hafi verið valið úr hópi tilnefninga í samráði við garðyrkjustjóra sveitarfélagsins. Í ár voru veitt sex verðlaun í fimm flokkum og hafa því verið veittar 100 viðurkenningar þau 16 ár sem verkefnið hefur lifað. Viðurkenningarflokkarnir sem koma til greina eru sjö talsins, en ekki er alltaf veitt verðlaun í öllum flokkum á sama ári.
Tvenn verðlaun voru veitt í flokknum lóð í þéttbýli:
Dalatún 1, Sauðárkróki, í eigu Steinunnar Huldu Hjálmarsdóttur og Halldórs Hlíðars Kjartanssonar.
Raftahlíð 29, Sauðárkróki í eigu Herdísar Klausen og Árna Stefánssonar.
Verðlaun fyrir snyrtilegustu götuna hlutu íbúar Furulundar í Varmahlíð.
Lóð við opinbera stofnun sem hlaut verðlaun í ár er Slökkvistöðin á Sauðárkróki.
Verðlaun fyrir snyrtilegasta umhverfi fyrirtækis hlaut Kjarninn á Sauðárkróki.
Að lokum voru veitt verðlaun fyrir einstakt framtak en þau komu í hlut Svanhildar Guðjónsdóttur og fjölskyldu fyrir vatnspóstinn á Hofsósi sem vígður var í sumar. „Vatnspósturinn er gjöf frá Svanhildi og fjölskyldu og er til minningar um eiginmann Svanhildar, Friðbjörn Þórhallsson. Minnisvarðinn er mikil prýði og stendur við sundlaugina á Hofsósi, rétt fyrir ofan Staðarbjargavík þar sem spor Friðbjörns gjarnan lágu eins og segir á vatnspóstinum.“
Sveitarfélagið Skagafjörður og Soroptimistaklúbbur Skagafjarðar óska öllum verðlaunahöfum til hamingju og þakka þeim fyrir að láta umhverfið skipta sig máli. Feykir tekur heilshugar undir þær kveðjur.
Fleiri fréttir
-
Kjúklingaréttur og döðlukaka | Matgæðingur Feykis
feykir.is Skagafjörður, Í matinn er þetta helst, Lokað efni 22.01.2025 kl. 08.50Matgæðingur vikunnar í tbl 4, 2024, var Þórunn Katrín Björgvinsdóttir á Sauðárkróki. Þórunn er fædd og uppalin í Reykjavík en er búin að búa svo lengi á Króknum að hún er farin að kalla sig Króksara. Þórunn starfar í Árskóla og kennir einnig ýmsa tíma hjá 550 crossfit stöðinni á Króknum og býr með Ægi Birni Gunnsteinssyni. Þórunn Katrín á tvo drengi, sá eldri er fæddur 2011 og yngri 2017. „Ég sé ekki alltaf um að elda. Ægir er miklu betri í eldhúsinu en ég,“ segir Þórunn.Meira -
Tvíhöfði í Síkinu
feykir.is Íþróttir, Lokað efni 21.01.2025 kl. 15.25Fimmtudaginn 23.janúar næstkomandi eru 60 ár frá því fyrst var keppt í körfubolta undir merkjum Tindastóls.Meira -
Árlega garðfuglahelgin framundan
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.01.2025 kl. 10.43Hin árlega garðfuglahelgi að vetri verður 24.-27. janúar að öllum fjórum dögum meðtöldum. Um er að ræða helgi þegar fuglaáhugafólk um land allt telur fuglategundir í görðum.Meira -
Chili con carne og hafrabollur | Matgæðingar Feykis
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 21.01.2025 kl. 08.40Matgæðingar vikunnar í tbl 3, 2024, voru þau Sveinbjörg Rut Pétursdóttir og Matthías Rúnarsson en þau búa á Hvammstanga ásamt dóttur þeirra, Ragnheiði. Sveinbjörg og Matthías vinna bæði hjá Samtökum sveitarfélaga á Norðurlandi vestra (SSNV), Matthías sem bókari og Sveinbjörg sem atvinnuráðgjafi. Matthías er menntaður sem löggiltur bókari og Sveinbjörg er með master í alþjóðaviðskiptum. „Við Matti gerum þessa mjög oft enda einfalt að elda en umfram allt mjög bragðgóð.“Meira -
Birgitta og Elísa Bríet í landsliðshópi U17
feykir.is Skagafjörður, Austur-Húnavatnssýsla, Íþróttir, Lokað efni 20.01.2025 kl. 09.48Þær stöllur og sparksnillingar frá Skagaströnd, Birgitta Rún Finnbogadóttir og Elísa Bríet Björnsdóttir, slá ekki slöku við í boltanum. Þær hafa verið viðloðandi U17 landsliðshóp Þórðar Þórðarsonar landsliðsþjálfara Íslands síðustu misserin og nú þegar æfingamót í Portúgal stendur fyrir dyrum dagma 20.-29. janúar þá eru þær að sjálfsögðu í hópnum sem ætti að öllu jöfnu að hafa lagt land undir fót í dag.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.