Öxnadalsheiði og Siglufjarðarvegur lokaðir
Leiðindaveður er víða um land á þessum mánudegi og þannig er gul veðurviðvörun á Norðurlandi vestra og er reiknað með að henni verði aflétt undir kvöldmatarleytið í dag. Hvasst er á Skaga og nyrst á Tröllaskaga og reiknað er með auknum vindi í nágrenni Blönduóss. Vegir úr Skagafirði yfir í Eyjafjörð eru lokaðir sem stendur. Appelsínugul viðvörun er sem stendur á Auaturlandi og þar hafa nokkur hús á Seyðisfirði og í Neskaupstað verið rýmd.
Öxnadalsheiðin er lokuð vegna óveðurs og þá hefur veginum úr Fljótum og til Siglufjarðar verið lokað vegna snjóflóðahættu. Austan Tröllaskaga er nokkuð vindasamt og snjókomu eða éljagangi í allan dag en vestan Tröllaskagans er ekki útlit fyrir snjókomu eða éljagang í dag samkvæmt spá Veðurstofunnar.
Á umferðarkorti Vegagerðarinnar má þó sjá að snjókoma er á vegi 76, Siglufjarðarvegi vestast á Tröllaskaga, éljagangur er á Þverárfjallsvegi og ökumenn mega eiga von á skafrenningi á vegum í Húnavatnssýslum; við Gauksmýri og á Vatnsskarði til að mynda. Víðast hvar er hálka á vegum en snjór eða krap á Þverárfjallsvegi.
Frá þriðjudegi og fram á fimmtudag er spáð skaplegu veðri á svæðinu, yfirleitt björtu og stilltu og nokkru frosti en þó ekki fimbilkulda.
Fleiri fréttir
-
Birgitta og Elísa Bríet í landsliðshópi U17
feykir.is Skagafjörður, Austur-Húnavatnssýsla, Íþróttir, Lokað efni 20.01.2025 kl. 09.48Þær stöllur og sparksnillingar frá Skagaströnd, Birgitta Rún Finnbogadóttir og Elísa Bríet Björnsdóttir, slá ekki slöku við í boltanum. Þær hafa verið viðloðandi U17 landsliðshóp Þórðar Þórðarsonar landsliðsþjálfara Íslands síðustu misserin og nú þegar æfingamót í Portúgal stendur fyrir dyrum dagma 20.-29. janúar þá eru þær að sjálfsögðu í hópnum sem ætti að öllu jöfnu að hafa lagt land undir fót í dag.Meira -
Fiskur í pestósósu og súkkulaðikaka | Matgæðingur vikunnar
feykir.is Skagafjörður, Í matinn er þetta helst, Lokað efni 20.01.2025 kl. 09.30Matgæðingur vikunnar í tbl 2, 2024, var Elma Hrönn Þorleifsdóttir sem er fædd og uppalin á Þorleifsstöðum í Skagafirði. Elma bý með Inga Birni Árnasyni á Marbæli í Skagafirði og eiga þau þrjú börn. Elma starfar í mötuneyti Varmahlíðarskóla en er samt sem áður alls ekki mikið fyrir að elda mat heima hjá sér.Meira -
Chili con carne og bananabrauð | Matgæðingar vikunnar
feykir.is Skagafjörður, Í matinn er þetta helst, Lokað efni 19.01.2025 kl. 10.34Matgæðingar vikunnar í fyrsta tbl árins árið 2024 voru Ólöf Lovísa Jóhannsdóttir og Kristófer Már Maronsson. Ólöf Lovísa er fædd og uppalin á Sauðárkróki og starfar hjá Kaupfélagi Skagfirðinga en Kristófer er fæddur og uppalinn á Akranesi og starfar sem formaður fræðslunefndar í Skagafirði.Meira -
Lið Njarðvíkur hafði betur gegn Stólastúlkum í VÍS bikarnum
feykir.is Skagafjörður, Íþróttir, Lokað efni 19.01.2025 kl. 00.22Stólastúlkur urðu að bíta í það súra epli að detta út úr VÍS bikarnum í gær en þá sóttu þær lið Njarðvíkur heim. Um var að ræða leik í átta liða úrslitum og hefði sannarlega verið spennandi fyrir stuðningsmenn Tindastóls að fylgja liðinu í Laugardalshöllina í undanúrslitin. Lið heimastúlkna var lengstum yfir í leiknum en lokamínúturnar voru æsispennandi en heimavöllurinn reyndist drjúgur og Njarðvík hafði betur. Lokatölur 80-73.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.