Um 50 manns sóttu íbúafund í Félagsheimilinu Hvammstanga
Á heimasíðu Húnaþings vestra segir að þann 17. september sl. var haldinn fjölsóttur íbúafundur í Félagsheimilinu Hvammstanga. Fundarefnið var uppbygging samfélagsmiðstöðvar í húsinu en verkefnið hefur verið í þróun um nokkurt skeið. Um 50 manns komu til fundarins og unnu í hópum að því að setja fram hugmyndir um hvað ætti að vera í húsinu, hvernig nýta ætti rými hússins, hvað samfélagsmiðstöðin ætti að heita o.s.frv.
Í samfélagsmiðstöðinni er áformað að verði aðstaða fyrir fjölbreytt félags- og tómstundastarf fyrir fólk á öllum aldri. Einnig er unnið að uppsetningu FabLab tæknismiðju í húsinu. Með samþættingu starfs fyrir ólíka hópa má ná fram bættri nýtingu á starfskröftum og húsnæði, bæta þjónustu, auka aðgengi að stuðningi og þjálfun og skapa dýnamískt umhverfi fyrir íbúa sveitarfélagsins. Grunnur að slíku starfi þarf að byggja á hugmyndum íbúa og því verður mikið lagt upp úr samráði í þeirri vinnu sem í hönd fer.
Fljótlega verður haldnir sambærilegir fundir með nemendum grunnskólans til að fá fram þeirra hugmyndir.
Eftir hugmyndafundina verður samantekt á niðurstöðum birt á heimasíðu sveitarfélagsins þar sem íbúum gefst tækifæri til að bæta við hugmyndum eða athugasemdum rafrænt.
Verkefnið um uppbyggingu samfélagsmiðsöðvarinnar hefur hlotið ýmsa styrki undanfarin misseri, Mennta- og barnamálaráðuneytið styrkti ráðningu tengslafulltrúa sem vinnur með ungu fólki í sveitarfélaginu og heldur utan um uppbyggingu miðstöðvarinnar ásamt sviðsstjóra fjölskyldusviðs. Styrkur fékkst úr Lóunni - nýsköpunarsjóði fyrir landsbyggðina til að skoða tækifæri í uppsetningu vottaðs eldhúss í húsinu. Einnig fékkst styrkur úr lið C1 á byggðaáætlun til kaupa á tækjum í FabLab tæknismiðju og að síðustu fékkst stuðningur við endurbætur á húsinu sjálfu frá hinu opinbera. Í verkefninu koma því saman áherslur úr ólíkum áttum.
Fleiri fréttir
-
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.