„Tóti túrbó“ til Tindastóls
Þórir Guðmundur Þorbjarnarson, margfaldur Íslandsmeistari, þrautreyndur landsliðsmaður og atvinnumaður erlendis til margra ára, er genginn til liðs við Íslandsmeistara Tindastóls. Enginn vafi er á að Þórir verði liðinu mikil lyftistöng í því verðuga verkefni að verja titilinn.
Þórir hefur síðustu tvö árin spilað í hollenska og spænska körfuboltanum en þar áður í fjögur ár með Nebraska Lincoln háskólanum í Big 10 riðli bandaríska háskólaboltans. Þar áður lék hann með KR og vann með þeim fimm stóra titla áður en hann hélt utan. Þórir á 23 landsleiki að baki þrátt fyrir ungan aldur en hann er fæddur árið 1998.
„Tindastóll hefur lengi verið spennandi kostur fyrir bestu körfuboltamenn landsins. Þórir er svo sannarlega nú þegar orðinn einn af þeim og ég er hreykinn af hans einlæga áhuga á að koma til okkar. Hann setur samt þann fyrirvara í samningum okkar að ef honum opnast á næstu vikum tækifæri til þess að stíga á ennþá stærra svið erlendis verði honum gert kleift að þiggja slíkt boð án nokkurra eftirmála. Við samþykktum það með ánægju enda viljum við veg ungra og efnilegra leikmanna okkar alltaf sem mestan og Þórir er þar engin undantekning,“ segir Dagur Baldvinsson, formaður körfuknattleiksdeildar Tindastóls.
„Þórir er gríðarlega dýrmætur liðsauki fyrir okkur. Hann smellpassar inn í þennan hraða leik sem við viljum halda áfram að þróa enda ekki kallaður „Tóti túrbó“ að ástæðulausu. Hann er stöðugt ógnandi og ótrúlega drjúgur í vinnu fyrir liðið með góðum staðsetningum og sendingum á samherjana. Síðast en ekki síst er Þórir toppdrengur, góður karakter bæði innan vallar og utan. Það skiptir miklu máli,“ segir Pavel Ermolinskij, þjálfari Tindastóls.
„Ég er ákaflega hreykinn af því tækifæri sem mér býðst að ganga til liðs við Tindastól. Ég hef auðvitað fylgst með þessari miklu uppbyggingu og sterku umgjörð sem orðið hefur til utan um körfuboltann og ekki bara í meistaraflokki karla heldur líka í kvennaboltanum og öllu þessu frábæra unglingastarfi. Ég hlakka mikið til að vinna með strákunum sem nældu sér í Íslandsmeistaratitilinn og auðvitað líka með Pavel sem hefur nú þegar sýnt frábæra takta sem leiðtogi og þjálfari liðsins. Markmiðið er bæði einfalt og stórt: Að verja titilinn!,“ segir Þórir G. Þorbjarnarson.
Sauðárkróki 17. júlí 2023
Fréttatilkynning frá körfuknattleiksdeild Tindastóls.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.