Torskilin bæjarnöfn :: Seyla á Langholti
Þetta bæjarnafn kemur mjög víða fyrir í fornum skjölum og brjefum, og er ritað með y (ekki i. Sjá Dipl. Ísl. VIII. b., bls. 231 og víðar. Dipl. Ísl. VII. b., bls. 773 og víðar). Sem bæjarheiti kemur það aðeins fyrir í Skagafjarðarsýslu, og má telja það merkilegt mjög.
Úr Seylulandi hefir Litla-Seyla (nú kallað Brautarholt) verið bygt fyrir fáum öldum, og eftir það nefnist heimajörðin Stóra-Seyla (geta má þess, að Grófargil hjet að fornu Grafargil, og er bygt úr Seylulandi, því að 1508 fylgir það Seylu, en Litla-Seyla er þá ekki til. Sbr. kaupmálabrjef Þorvarðar Loftssonar og Kristínar Gottskálksdóttur, Dipl. Ísl. Vll, bindi). Jeg hygg að orðið seyla merki bæði kíl og keldu (sbr. ritgerð dr. Finns Jónssonar, Safn IV. b., bls. 575). Það er sama og fornenska orðið Shoyl, er þýðir kíldrag, eða jafnvel litla á (sbr. Æfisögu Benjamíns Franklins, bls. 100). Norska orðið söle virðist líka geta þýtt keldu. Bærinn Seyla stendur á hól, en meðfram hólnum að vestan hefir myndast kelda og lækjardrag lítið og hlýtur bærinn að draga nafn af því.
Geta vil ég þess hjer, að í máldaga fyrir Staðarkirkju á Reykjanesi er „seyla“ haft um rekamark. Þar segir svo: „Kirkjan á … þriðjung af öllum reka á nesodda á Kollafjarðarnes að seylu þeirri, er gengur úr Gullsteinum og að Hvalsá“ (Dipl. Ísl. V. bindi, bls. 591). Hjer hygg jeg að átt sje oftast við kíl eða síki, frekar en mýri, sem rekamörk eða landamerki munu sjaldnast vera miðuð við. Enn má benda á það, sem kunnugt er, að bátalegan fram undan Bessastöðum á Álftanesi kallast Seyla.
Rannsóknir og leiðréttingar Margeirs Jónssonar
Áður birt í 6. tbl. Feykis 2021
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.