Tónleikar í Sæluviku á Sauðárkróki
Sunnudaginn 26. apríl kl. 17:00 heldur Kammerkór Norðurlands tónleika í Frímúrarasalnum
við Borgarmýri á Sauðárkróki. Stjórnandi er Guðmundur Óli Gunnarsson sem stjórnað hefur kórnum síðan árið 2000.
Á tónleikunum verða eingöngu flutt íslensk verk, sönglög og þjóðlagaútsetningar, og eru þrjú laganna eftir þrjú tónskáld frumflutt í þessari tónleikaröð kórsins og er eitt þeirra, Heimsósómi, sérstaklega samið fyrir Kammerkórinn.
Í Kammerkórnum sem átti 10 ára afmæli á fyrra ári eru tæplega 20 söngvarar víðsvegar af Norðurlandi, frá Blönduósi austur til Kópaskers. Á efnisskrá kórsins hafa oftast verið tónverk, bæði íslensk og erlend sem ekki heyrast oft í flutningi íslenskra kóra. Einnig hefur kórinn flutt verk sérstaklega samin fyrir hann. Á þessum 10 árum hefur kórinn haldið fjölda tónleika víðsvegar um Norðurland en einnig á Vesturlandi, Suðurlandi og í Reykjavík.
Kórinn hefur einnig verið í samstarfi við aðra, t.d. Sinfóníuhljómsveit Norðurlands, Kór Akureyrarkirkju og tekið þátt í Kórastefnu við Mývatn. Í tilefni afmælisársins stefnir kórinn á útgáfu síns fyrsta hljómdisks.
Á þessu ári hefur kórinn haldið tónleika á Húsavík, Akranesi, Selfossi, í Langholtskirkju, á Dalvík og Akureyri. Eftir tónleikana á Húsavík í febrúar sl. skrifaði Sigurður Hallmarsson meðal annars í Skarp:
„ . . Söngskráin var nokkuð sérstök með þjóðlegum blæ og fyrir kom að um frumflutning væri að ræða. Þægilega lét í eyrum vöggulag Guðmundar Óla og var enda kórinn beðinn að endurtaka það. Allt var sungið án undirleiks, hópurinn er mjög samstilltur og má segja að þessi kór sé frábært hljóðfæri og vel á það leikið. Okkur er mikill sómi sýndur með þessari heimsókn kórsins og tónleikagestir fögnuðu vel frábærum söng. . .“
Eins og áður segir hefjast tónleikarnir í Frímúrasalnum kl. 17:00 og er aðgangseyrir kr. 1500,- Því miður er ekki hægt að taka við greiðslukortum.
Menningarráð Eyþings styrkir Kammerkórinn vegna þessara tónleika
Fleiri fréttir
-
Tónleikar með Karlakór Eyjafjarðar í Blönduóskirkju þann 3. maí
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 15.52Það verða glæsilegir tónleikar í Blönduóskirkju laugardaginn 3. maí kl. 15:00 en þá mæta félagarnir úr Karlakór Eyjafjarðar á svæðið. Þeir ætla að flytja alls konar lög úr öllum áttum fyrir gesti og verður dagskráin bæði fjölbreytt og skemmtileg.Meira -
Samstaða og samhugur er mikill í samfélaginu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 16.04.2025 kl. 13.50Í gær var haldin samverustund á sal bóknámshúss Fjölbrautaskólans í tilefni af bílslysinu við Hofsós sl. föstudag. Settur skólameistari, Þorkell V. Þorsetinsson, flutti stutt ávarp og greindi frá fréttum af hinum slösuðu. Þar kom fram að þrír hinna slösuðu eru komnir af gjörgæslu og tveir þeirra hafa verið útskrifaðir af barnadeild Landsspítalans en ljóst er að mislangt bataferli er framundan hjá þeim öllum.Meira -
Hvað á að gera þegar komið er að slysi?
feykir.is Skagafjörður, Austur-Húnavatnssýsla, Vestur-Húnavatnssýsla 16.04.2025 kl. 13.17„Dásamlegu krakkarnir okkar sem komu að slysinu gerðu allt rétt,“ segir Ásdís Ýr Arnardóttir, sérfræðingur hjá Lögreglunni á Norðurlandi vestra, þegar Feykir leitaði eftir upplýsingum hjá henni um hvað beri að gera þegar komið er að slysi, líkt og varð við Hofsós sl. föstudag. Þá slösuðust fjórir piltar á aldrinum 17-18 ára alvarlega í bílslysi en um 30 ungmenni voru á leið í veislu á Hofsósi og voru á vettvangi þegar viðbragðsaðilar komu að. Mörgum þykir ónotaleg sú tilhugsun að koma að slysi og efast kannski um að þeir viti hvernig bregðast á við. En hvað á að gera þegar komið er að slysi?Meira -
Stólastúlkur eiga heimaleik í Bestu deildinni í dag
feykir.is Skagafjörður, Íþróttir, Lokað efni 16.04.2025 kl. 11.02Keppni í Bestu deild kvenna í knattspyrnu hófst í gærkvöldi með tveimur leikjum. Breiðablik fór illa með Stjörnuna og Þróttur Reykjavík bar sigurorð af Fram-stúlkum Óskars Smára frá Brautarholti. Að sjálfsögðu skoraði hin hálfskagfirska Murr fyrsta mark Fram í efstu deild kvennaboltans en það dugði ekki til sigurs. Í kvöld taka Stólastúlkurnar hans Donna á móti liði FHL og hefst leikurinn kl. 18:00. Feykir lagði nokkrar spurningar fyrir fyrirliða Tindastóls, Bryndísi Rut Haraldsdóttur, sem hefur marga fjöruna sopið og nálgast nú óðfluga 250 leiki með liðinu.Meira -
FISK Seafood boðar vorið með umhverfisdeginum
feykir.is Skagafjörður 16.04.2025 kl. 09.15Umhverfisdagur FISK Seafood verður haldinn 3. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Litla skógi, í Varmahlíð, á Hólum, á Hofsósi, í Fljótunum og vegköntum um allan fjörð. Frá 12:15-13:00 mun FISK Seafood bjóða öllum þátttakendum að þiggja veitingar að Sandeyri 2.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.